ՀԱՅԱՍՏԱՆԻ ԱԶԳԱՅԻՆ ԳՐԱԴԱՐԱՆ
-
Արեւմտահայերէն
Արեւմտահայերէն
Հեռախոսահամար
Արեւմտահայերէն
Յարգելի՛ Աննա,
Բրիտանական գրադարանի խորհուրդի եւ Բրիտանական գրադարանի իմ բոլոր գործընկերներուս անունով կը ցանկամ շնորհաւորել Ձեզ՝ Հայաստանի Ազգային գրադարանի հիմնադրման 105-ամեակի առթիւ: Յուսով եմ, որ Դուք եւ Ձեր աշխատակիցները մեծ հաճոյքով նշեցիք յուլիս 4-ի տօնակատարութիւնները, եւ կը մաղթենք Ձեզ շարունակական յաջողութիւններ գալիք 105 տարիներու ընթացքին:
Աւելին
Dear Anna Chulyan,
Congratulations to the National Library of Armenia and all of its staff on its 105th birthday!
On behalf of the German National Library and also of the Conference of European National Libraries, I wish the National Library of Armenia all the best and a prosperous future.
Having such an active member in CENL is a pleasure!
Յարգելի՛ Աննա Չուլեան,
Մարթինաս Մաժուիտասի անուան Լիթուանիոյ ազգային գրադարանը սրտանց կը շնորհաւորէ Հայաստանի ազգային գրադարանին՝ 105-ամեակին առթիւ։
Այս ընթացքին Հայաստանի ազգային գրադարանը դարձաւ հայ տպագիր ժառանգութեան, տեղեկատուական եւ նորարարական ազգային կարեւորութեան համաշխարհային ամէնէն մեծ շտեմարանը՝ նշանակալի ներդրում ունենալով հայկական մշակոյթի զարգացման գործին մէջ։
Շա՜տ ուրախալի է, որ Հայաստանի եւ Լիթուանիոյ ազգային գրադարանները ներգրաւուած են բարեկամական եւ փոխշահաւէտ համագործակցութեան մէջ։
Աւելին
Յարգելի՛ տնօրէնուհի,
Օգտուելով առիթէն՝ կը ցանկանք Սպանիոյ ազգային գրադարանին անունով յղել Ձեզ մեր ջերմ շնորհաւորանքները՝ Գրադարանի ստեղծման 105-ամեակին տօնակատարութեան առթիւ։
Վստահ եմ, որ այս տօնը մատենագիտական ժառանգութեան պահպանման՝ որպէս կարեւոր առաքելութեան, շարունակելու գործին մէջ յետագայ սերունդներուն համար խթան պիտի հանդիսանայ։ Կարեւորելով գրադարաններու գործառութային եւ մշակութային համագործակցութիւնը, յոյս կը յայտնեմ, որ մեր միմեանց հետ գործակցելու նոր ուղիները դեռ առջեւն են։
Աւելին
Յարգելի՛ տնօրէնուհի՝ Աննա Չուլեան,
Աւստրիոյ ազգային գրադարանին անունով մեծ ուրախութեամբ կը շնորհաւորեմ Հայաստանի ազգային գրադարանի հիմնադրման 105-ամեակը:
Ակնյայտ է, որ տարիներ շարունակ Հայաստանի Ազգային գրադարանը խթանած է համագործակցութիւնը գրադարաններու եւ ակադեմական հաստատութիւններու հետ՝ թէ՛ ազգային, թէ՛ միջազգային մակարդակներու վրայ: Մենք երախտապարտ ենք Եւրոպայի ազգային գրադարաններու համաժողովէն ներս մտքերու եւ գիտելիքներու փոխանակման գործին մէջ Ձեր մեծ ներդրումին համար:
Անհամբերութեամբ կը սպասենք գալիք արդիւնաւէտ համագործակցութիւններուն եւ կը մաղթենք ամենայն բարիք ապագային:
Աւելին
Յարգելի՛ տիկին Աննա Չուլեան եւ Հայաստանի ազգային գրադարանի գործընկերներ,
Հոլանտայի ազգային գրադարանին անունով, սրտանց կը շնորհաւորեմ այս նշանակալի օրուան՝ Հայաստանի ազգային գրադարանի 105-ամեակին առթիւ:
Ակներեւ է, որ Հայաստանի ազգային գրադարանը կը ծառայէ որպէս մշակոյթի եւ գիտելիքի հիմնաքար՝ ուսման նկատմամբ խոր սէր սերմանելով եւ պահպանելով Հայաստանի հարուստ ժառանգութիւնը: Հոլանտայի ազգային գրադարանը կը գնահատէ արդիւնաւէտ համագործակցութիւնը, գաղափարներու ու ներուժի փոխանակումը, որուն մեր կառոյցները հաճոյքով կ’իրականացնեն տարիներու ընթացքին: Այս համատեղ ջանքերը համաշխարհային գիտելիքի մաս կազմելու մեր ընդհանուր ցանկութեան մէկ մասն են եւ, անշուշտ, կ’ամրապնդեն մեր երկրներուն միջեւ բարեկամական եւ փոխադարձ յարգանքի կապերը:
Աւելին
Յարգելի՛ տիկին Չուլեան,
Լեհաստանի ազգային գրադարանի եւ անձամբ իմ անունով սրտանց կը շնորհաւորեմ Հայաստանի ազգային գրադարանի 105-ամեակին առթիւ։ Կը մաղթեմ շարունակական յաջողութիւններ եւ բարօրութիւն։
Յուսով եմ, Դուք կը վայելէք ե՛ւ մեծ յաջողութիւններ, ե՛ւ անձնական բաւարարուածութիւն Ձեր աշխատանքին մէջ: Անհամբերութեամբ կը սպասեմ մեր համագործակցութեան յառաջիկայ տարիները:
Աւելին
Յարգելի՛ Աննա Չուլեան,
Ընդունեցէ՛ք սրտանց շնորհաւորանքներ Էսթոնիայէն՝ Հայաստանի ազգային գրադարանի հիմնադրման 105-ամեակին առթիւ։
Էսթոնիոյ ազգային գրադարանին համար մեծ պատիւ էր բազմաթիւ միջազգային նախագծերու մէջ ըլլալ Ձեր գործընկերը: Շնորհակալութիւն՝ Ձեր երկրին հարուստ ժառանգութիւնը պահպանելու եւ բաժնեկցելու համար, այն, ինչպէս Հայաստանի մէջ, այնպէս ալ ողջ աշխարհի մէջ, կ’ապահովէ մշակոյթի կայունութիւնը: Հակառակ անոր, որ դժուար էին անցեալ տարիները որոշ երկրներու եւ անոնց գրադարաններուն համար, մենք վստահ ենք, որ մեզի աւելի լաւ ապագայ կը սպասէ:
Աւելին
Յարգելի՛ Աննա,
Մոնթենեկրոյի ազգային գրադարանը կը շնորհաւորէ Ձեզ եւ Ձեր գործընկերները մեծ յոբելեանի՝ Հայաստանի ազգային գրադարանի (ՀԱԳ) 105-ամեակին առթիւ:
Ժամանակակից հասարակութեան մէջ գրադարաններուն դերը, որպէս կրթական եւ մշակութային հաստատութիւններ, անփոխարինելի է։ Ուստի, կը կարծենք, որ Ձեր գրադարանին ներդրումը Հայաստանի մշակութային կեանքէն ներս եւ երիտասարդներու կրթութեան գործին մէջ մեծ նշանակութիւն ունի։
Աւելին
Յարգելի՛ Աննա Հրայրի, Յարգելի՛ գործընկերներ.
Թոյլ տուէք ի սրտէ շնորհաւորել Ձեզ եւ ձեր աշխատակիցները այս նշանակալից օրուան՝ Հայաստանի ազգային գրադարանի, որպէս պետական հանրային գրապահոցի, 105-ամեակին առթիւ:
Այսօր մենք կը մեծարենք Հայաստանի ազգային գրադարանի բոլոր աշխատակիցները, ովքեր ատոր զարգացման տարբեր ժամանակահատուածներուն խնամքով պահպանած են ամէնէն արժէքաւորը՝ գիրքը։
Հայաստանի ազգային գրադարանը երկար ճանապարհ մը անցած է՝ Երեւանի մարզարանի գրադարանէն մինչեւ հայ տպագիր ժառանգութեան աշխարհի ամէնէն մեծ շտեմարանը, յաղթահարելով ծանր ժամանակներու մարտահրաւէրները եւ պաշտպանելով վեհանձն առաքելութիւնը՝ տեղեկատուական քաղաքականութեան, մշակոյթի, կրթութեան, գիտութեան եւ տնտեսութեան ոլորտներէն ներս ըլլալ երկրի յառաջընթացի անբաժանելի մասը, ըլլալ գիտելիքի կեդրոն մը, որ կը նպաստէ հայ հասարակութեան արժէքներուն ստեղծման։
Աւելին
Յարգարժա՛ն Աննա Հրայրի, Յարգարժա՛ն գործընկերներ,
Ռուսիոյ ազգային գրադարանին անունով կը շնորհաւորեմ Ձեզ եւ Հայաստանի Հանրապետութեան Ազգային գրադարանի աշխատակազմը այս նշանակալից օրուան՝ Գրադարանին պետական կարգավիճակ շնորհելու 105-ամեակին առթիւ։
Այսօր Գրադարանը Հայաստանի Հանրապետութեան գրադարանային հասարակութեան մէջ հիմնական համակարգող, մեթոտական եւ մատենագիտական կեդրոնն է։ Որպէս գիտակրթական, մշակութային եւ տեղեկատուական հաստատութիւն՝ Գրադարանը պայմաններ կը ստեղծէ հայ տպագիր ժառանգութեան հաւաքագրման, մշակման, պահպանման եւ տարածման համար, կ’իրականացնէ Գրապալատի գործառոյթները։ Հայաստանի ազգային գրադարանը հայկական հրատարակչական արտադրանքի աշխարհէն ներս ամէնէն մեծ շտեմարանն է։ 2017 թուականին գրադարանէն ներս բացուեցաւ Հայկական գրատպութեան թանգարանը՝ արտացոլելով տարածաշրջանի գիրքի պատմութիւնը, իսկ 2018 թուականէն դարձած է Եւրոպական գրատպութեան թանգարաններու ընկերակցութեան (Association of European Printing Museums) անդամակից։
Աւելին
Յարգելի՛ Աննա Հրայրի,
Հայաստանի ազգային գրադարանի յարգելի՛ աշխատակիցներ, գործընկերներ,
Ռուսիոյ պետական մանկական գրադարանի անձնակազմին անունով ընդունեցէ՛ք անկեղծ շնորհաւորանքներ այս նշանակալի օրուան՝ Հայաստանի ազգային գրադարանին պետական կարգավիճակ շնորհելու 105-ամեակին առթիւ։ Հայաստանի Հանրապետութեան մշակոյթի զարգացման պատմութեան մէջ ասիկա կարեւոր նշաձող մըն է։
Շուրջ երկու դար Գրադարանը եղած է համաշխարհային գրականութեան գանձարան, իսկ 1919 թուականէն պաշտօնապէս դարձած է Հայաստանի գիտակրթական, մշակութային եւ տեղեկատուական կեդրոնը եւ հայալեզու գրական ժառանգութեան հիմնական շտեմարանը։
Իր երկարամեայ գործունէութեան ընթացքին Հայաստանի ազգային գրադարանը անգնահատելի ներդրում ունեցած է գիրքի եւ ընթերցանութեան հանդէպ հետաքրքրութեան պահպանման եւ զարգացման, ազգային եւ համաշխարհային գրքային մշակոյթի հարստութիւններու եւ ընդհանրապէս ազգի հոգեւոր կերպարի ձեւաւորման հարցին մէջ։
Աւելին
Յարգելի՛ Աննա Հրայրի,
Սրտանց կը շնորհաւորենք Ձեզ եւ ողջ անձնակազմին Հայաստանի ազգային գրադարանի 105-ամեակին առթիւ:
Տարիներու ընթացքին գրադարանը դարձած է Հայաստանի խոշորագոյն տեղեկատուական, գիտական, կրթական եւ մշակութային կեդրոնը։ Պատահական չէ, որ գրադարանը կը կոչեն գիրքերու պալատ։
Մենք բարձր կը գնահատենք մեր փոխգործակցութիւնը եւ անհամբեր կը սպասենք համագործակցութեան ամրապնդումը եւ համատեղ ծրագիրներու իրականացումը:
Կը մաղթենք Ձեզի եւ ողջ անձնակազմին՝ քաջառողջութիւն, ստեղծագործական նորանոր յաջողութիւններ եւ ձեռքբերումներ, յաջողութիւն եւ բարեկեցութիւն:
Աւելին
Յարգելի՛ Աննա Հրայրի,
Ղազախստանի Հանրապետութեան ազգային ակադեմական գրադարանին անունով կը շնորհաւորեմ Ձեզ եւ Ձեր աշխատակիցները՝ Հայաստանի ազգային գրադարանի 105-ամեակին առթիւ՝ հայկական հրատարակչական արտադրանքի աշխարհի ամէնէն մեծ շտեմարանն ու ազգային գրադարանագիտութեան կեդրոնը:
Գրադարանը այսօր ոչ միայն գիրքերու շտեմարան է, այլեւ գիտական, գիտահետազօտական, մշակութային կեդրոն մը, որուն գործունէութիւնը ուղղուած է կրթութեան եւ լուսաւորութեան գաղափարներուն։ Անձնակազմի բարձր արհեստավարժութիւնը եւ ստեղծագործական կարողութիւնները արժանացած են գրադարանային համայնքի, օգտատէրերու եւ ընկերային գործընկերներու կողմէ արժանի ճանաչման եւ յարգանքի:
Աւելին
Յարգելի՛ գործընկերներ,
Ղրղզստանի Հանրապետութեան ազգային գրադարանի աշխատակազմի եւ անձամբ իմ անունով ընդունեցէ՛ք մեր անկեղծ շնորհաւորանքները Ձեր նշանակալից յոբելեանի՝ Հայաստանի ազգային գրադարանի կազմաւորման 105-ամեակին առթիւ:
Պատմութեան համար այս թիւը մեծ չէ, սակայն Գրադարանին համար այն նշանակալի է, քանի որ այն անցած է ձեւաւորման եւ զարգացման երկար ու հետաքրքրական ճանապարհէ։
105 ամեակը այն տարիքն է, որ կը վկայէ մեր հարուստ աշխատանքային փորձին մասին, ատոնք կենսագրութեան վառ էջեր են, որոնք կը խօսին աւանդոյթներու եւ ձեռքբերումներու, աշխատակիցներու նուիրուածութեան մասին։
Աւելին
Յարգելի՛ Աննա Հրայրի,
Ուզպեքստանի ազգային գրադարանին անունով ընդունեցէ՛ք մեր ամէնէն անկեղծ շնորհաւորանքներն ու բարեմաղթանքները այս նշանակալից իրադարձութեան՝ Հայաստանի ազգային գրադարանի հիմնադրման 105-ամեակին առթիւ։
105 տարիները կենսագրութեան ու նուիրեալ աշխատանքի վառ էջեր են, հարուստ փորձի ու նորութիւններու փնտռտուք, հեղինակութիւններ եւ անուններ, ովքեր կերտած են ու կը կերտեն Հայաստանի գրադարանային պատմութիւնը։
Աւելին
Յարգելի՛ Աննա Հրայրի,
Տաճիկստանի Հանրապետութեան նախագահի գործադիր գրասենեակի «Ազգային գրադարան» պետական հիմնարկին անունով ի սրտէ կը շնորհաւորեմ Ձեզ եւ Ձեր անձնակազմը՝ Հայաստանի Ազգային գրադարանի հիմնադրման 105-ամեակին առթիւ։
Օգտուելով առիթէն, կը ցանկամ յայտնել Տաճիկստանի ազգային գրադարանի պատրաստակամութիւնը՝ ամրապնդելու կապերը եւ ընդլայնելու երկու գրադարաններուն միջեւ համագործակցութիւնը, ինչ որ բարենպաստ ազդեցութիւն պիտի ունենայ տաճիկ եւ հայ ժողովուրդներու մշակոյթներու զարգացման եւ բարգաւաճման վրայ։
Աւելին
Յարգելի՛ Աննա Հրայրի,
Ղազախստանի Հանրապետութեան Ազգային գրադարանի եւ Ղազախստանի գրադարանային միութեան անունով սրտանց կը շնորհաւորեմ Ձեզ եւ Ձեր աշխատակիցները այս նշանակալից օրուան՝ Հայաստանի ազգային գրադարանի 105-ամեակին առթիւ։
Հայաստանի ազգային գրադարանի պատմութիւնը սերտօրէն միահիւսուած է երկրի ճակատագրին հետ։ Դուք իրաւամբ կրնաք հպարտանալ ձեր պատմութեան լուսաւոր էջերով, գրադարանի ստեղծման ակունքներուն մէջ կանգնածներուն անուններով, ովքեր իրենց ամէնօրեայ աշխատանքով ապահոված են հասարակութեան մէջ անոր հեղինակութիւնը։
Աւելին
Հարգելի՛ տիկին Չուլյան,
Ընդունեք ՀՀ ԳԱԱ Արվեստի ինստիտուտի տնօրինության, գիտական խորհրդի, ողջ կոլեկտիվի և անձամբ իմ ջերմագին շնորհավորանքներն ու բարեմաղթանքները հայկական տպագիր արտադրանքի աշխարհում խոշորագույն պահոցի և ազգային գրադարանագիտության կենտրոնի՝ Հայաստանի ազգային գրադարանի հիմնադրման 105-ամյակի կապակցությամբ:
Ի՜նչ իմանային հայ երևելի պետական, հասարակական և մշակութային գործիչները, ում անձնական գրադարանները հիմք դարձան Ազգային գրադարանի ֆոնդերի ձևավորման համար, ինչպես նաև կրթական ու ուսումնական հիմնարկությունների ղեկավարները, որոնց նվիրատվությունները մեծապես նպաստեցին ֆոնդերի համալրմանը, որ անցնելով տարիների ու տասնամյակների միջով՝ Գրադարանը դառնալու է գիտակրթական, մշակութային և տեղեկատվական բացառիկ հաստատություն, ստեղծելու է անհրաժեշտ պայմաններ հայ տպագիր մշակութային ժառանգության հավաքագրման, մշակման, պահպանման և տարածման համար, դառնալու է ազգային մատենագիտական կենտրոն։
Աւելին
Հայ կրթական հիմնարկութիւնը կը շնորհաւորէ Հայաստանի ազգային գրադարանը՝ 105-ամեակին առթիւ: Իր մէկդարեայ պատմութեան ընթացքին անիկա եղած է ու կը մնայ գիտելիքի փարոս՝ պահպանելով Հայաստանի հարուստ մշակութային ժառանգութիւնը եւ ծառայելով որպէս կենսական կեդրոն ուսման եւ կրթութեան համար: Հայ տպագիր մշակութային ժառանգութեան հաւաքագրումը մշակումը, պահպանումը եւ տարածումը փոխած է անթիւ կեանքեր եւ մեծապէս նպաստած է մեր հասարակութեան կրթական աճին:
Մենք ուրախ ենք, որ հնարաւորութիւն ունեցած ենք մեր փոքրիկ ներդրումը ունենալու Հայաստանի ազգային գրադարանի կեանքին մէջ։
Կը մաղթենք, որ գրադարանի շարունակական ոգեշնչող գործունէութիւնը սերունդներուն աւելի կը մօտեցնէ կրթութեան։
Աւելին
Յարգելի՛ տիկին Չուլեան,
«Հայոց ցեղասպանութեան թանգարան-հիմնարկ» հիմնադրամի անձնակազմին եւ անձամբ իմ անունովս՝ Ձեր գլխաւորութեամբ ջերմօրէն կը շնորհաւորեմ Հայաստանի ազգային գրադարանի բոլոր ներկայ եւ նախկին աշխատակիցներուն եւ ընթերցասէր հասարակութեան Ազգային գրադարանի հիմնադրման 105-ամեակին առթիւ:
Մեր հարուստ պատմութեան եւ մշակոյթի իւրօրինակ պահապանի դերը ստանձնած Ազգային գրադարանը արդէն մէկ դարէ աւելի է, որ կ’իրականացնէ այս կարեւոր առաքելութիւնը՝ չկորսնցնելով իր կարեւորութիւնը եւ արդիականութիւնը:
Աւելին
Յարգելի՛ գործընկերներ,
Հայաստանի ազգային գրադարանը իր ստեղծման օրէն, անկախ պատմական-քաղաքական փոփոխութիւններէն, եղած եւ մնացած է Հայկական պետականութեան խորհրդանիշ, եւ նպաստած է Հայկական պետականութեան հիմքերուն ամրապնդման՝ որպէս գիտական, տեղեկատուական, կրթական, մշակութային կազմակերպութիւն, հայ տպագիր գիրքի, պարբերական եւ ոչ պարբերական մամլոյ, Հայաստանի եւ հայ ժողովուրդի մասին գիտատեղեկատուական վաւերագիրներու՝ աշխարհէն ներս ամէնէն խոշոր գրապահոցը, որուն հաւաքածոյին մէջ, որպէս Հայաստանի Հանրապետութեան ազգային գրադարանային հաւաքածոյի միաւորներ, կը պահպանուին հայերէն առաջին տպագիր գիրքը, առաջին տպագիր պարբերականը, առաջին տպագիր քարտէսը եւ առաջին տպագիր «Աստուածաշունչը», խանձարուրային եւ այլ տպագիր հազուագիւտ գիրքեր եւ վաւերագիրներ։
Աւելին
Յարգելի՛ տիկին Չուլեան,
Ընդունեցէք Իսահակեան գրադարանի շնորհաւորանքը։
Գրադարանը կը հարստանայ լայն մտածողութիւն ունեցող սերունդով, սերունդը՝ լայն հնարաւորութիւններ ունեցող գրադարանով…
Այսօր աշխարհի ամէնէն խոշոր հայերէն գրականութեան պահոցին՝ Հայաստանի ազգային գրադարանին ծննդեան տարեդարձն է։
Պատկառելի տարիքը չէ, որ կ’արժեւորէ գրադարանին էութիւնը, այլ անոր հաւաքածոներուն հարստութիւնը, ազգային ու համաշխարհային տպագիր եւ ձեռագիր ժառանգութեան պահպանումը, մատուցած ծառայութիւնները գիտութեան, մշակոյթին եւ անոր կատարած գործառոյթները՝ կիրթ եւ գրագէտ հասարակութեան ձեւաւորման համար։
Աւելին
Հայաստանի Ազգային գրադարանի տնօրէնուհի տիկին Աննա Չուլեան եւ յարգելի գործընկերներ,
Հայաստանի Ազգային գրադարանը իմ եւ բազում սերունդներու եւ մասնագիտական, եւ ընդհանրական կրթութեան գործին մէջ անփոխարինելի դեր ունեցած է եւ այսօր ալ կը շարունակ է կրթել։
Շնորհաւորելով իմ սիրելի Մայր գրադարանի հիմնադրման 105-րդ ամեակը, կը մաղթեմ յարատեւութիւն եւ նորանոր ձեռքբերումներ՝ ի շահ մեր Սուրբ Հայրենիքի մշակութային անկրկնելի ժառանգութեան պահպանման, հանրայնացման եւ համամարդկային ճանաչման։
Աւելին
Հայաստանի Ազգային գրադարանը կը տօնէ իր ծննդեան 105-րդ տարեդարձը եւ ասիկա նշանակալի իրադարձութիւն մըն է Հայաստանի Հանրապետութեան կեանքին մէջ։
105 տարի առաջ, այնժամ, երբ հայ ժողովուրդը կը կերտէր իր անկախ պետականութիւնը, երբ հայ ժողովուրդը ապրելու կռիւ կը մղէր, առաջնահերթօրէն գիտակցուեցաւ տպագիր ժառանգութեան պահպանութեան ու փոխանցման կարեւորութիւնը։
ժողովուրդի լինելիութեան կռուաններու գիտակցումը ունեցան նաեւ բոլոր անոնք, որոնց ճակատագրօրէն վիճակուած էր առաջնորդել հայ ժողովուրդը հարիւրամեակի բոլոր ոլորաններէն, եւ ժամանակին ընդմէջէն Ազգային գրադարանը դարձաւ հայկական տպագիր ժառանգութեան աշխարհի ամէնէն մեծ պահոցը։
Աւելին
Յարգելի՛ տիկին Չուլեան,
Լոռուայ մարզային գրադարանը` ի դէմս տնօրէնուհի Հեղինէ Հալիւորեանի, իր շնորհաւորական ուղերձը կը յղէ Հայաստանի ազգային գրադարանին՝ հիմնադրման 105-ամեակին առթիւ։
Դար եւ հինգ տարի պատմութիւն կերտած, իւրօրինակ գրական մշակոյթ ձեւաւորած եւ գիրին ու գրքապաշտպանութեան ողջ կեանքը նուիրած հայրենի գրադարանին կը մաղթենք գիտելիքայենք ու շարունակական աշխատանք ի նպաստ հայ ու համաշխարհային գիրի ու գրականութեան տարածման ու հանրահռչակման...
Աւելին
Շնորհավորելով ՀԱԳ-ի ստեղծման 105-ամյակը և պատմության ցուցասրահի բացումը մեկ անգամ ևս ուզում եմ ընդգծելայն հսկայական դերը, որ խաղացել է ՀԱԳ-ը Հայաստանի հոգևոր-մշակութային կյանքում։ Սրբությամբ պահպանել հարյուր, հազարավոր բացառիկ արժեքի գրքեր, տպագիր մատյաններ, պարբերական մամուլ։ Հիրավի, այն խոշորագույն հայ գրքի պահպանման ու հետո զարման կենտրոնն է աշխարհում։
Աւելին
Հարգելի՛ տիկին Չուլյան,
Շնորհավորում ենք Ձեզ և Հայաստանի ազգային գրադարանի ողջ անձնակազմին գարդարանի հիմնադրման 105-ամյա հովելյանի առթիվ։
105-ամյա պատմություն ունեցող և աշխարհի ամենախոշոր հայերեն գրականության պահոցը՝ Ազգային գրադարանը եղել և մնում է գիտակրթական, հոգևոր-մշակութային և տեղեկատվական արժեքների պահպանման հայկական տպագիր մշակութային ժառանգության աշխարհով մեկ տարածման եզակի օրրանը։
Աւելին
Հարգելի՛ տիկին Չուլյան,
Ընդունեք Հայաստանի Թեքեյան մշակութային միության շնորհավորանքը Հայաստանի ազգային գրադարանի հիմնադրման 105-ամյակի առթիվ։
Մեկ դարից ավելի Գրադարանն ընդունել է ընթերցողների բազում սերունդներ, որոնց դերն անուրանալի է եղել և կա երկրի կարևորագույն ոլորտների առաջընթացում։
Ազգային գրադարանը հզոր ու ամուր հենասյուն է մեր երկրի համար, տեղեկատվական տեխնոլոգիաների զարգման այս ժամանակներում էլ, երբ փոխվել են ընթերցողների պահանջները, գրադարանը կարողանում է հետաքրքրել և համախմբել ընթերցասեր հանրույթին։
Աւելին
