ԿՈՆԳՐԵՍԻ ԳՐԱԴԱՐԱՆ 

Աննա Չուլյանը հանդիպել է Կոնգրեսի գրադարանի կառավարման գծով փոխտնօրեն Ռոբին Դեյլին, ում հետ քննարկվել է գրադարանների համագործակցության շրջանակը, մասնավորապես՝ Կոնգրեսի գրադարանի խորագրերի շտեմարանում հայկական թեմաներով խորագրերի ներգրավման վերաբերյալ, հայերենի առանձնահատկությունների և նշաճանաչման կարևորության վերաբերյալ, ինչը կնպաստի հայկական բովանդակությամբ տպագիր նյութերի ներգրավմանը և ճշգրիտ նկարագրություններին Կոնգրեսի գրադարանի համապատասխան շտեմարաններում։ Հատուկ հետաքրքրություն է առաջացնում մատչելի ձևաչափերով հայալեզու նյութերը, որոնց փոխանակման վերաբերյալ կար նախնական պայմանավորվածություն Կոնգրեսի գրադարանի կույրերի և տպագիր նյութերի սահմանափակ կարողություն ունեցող անձանց համար նախատեսված հավաքածուների տնօրեն Էլիս Օ՛Ռեիլիի հետ։ Ձեռք է բերվել պայմանավորվածություն Կոնգրեսի գրադարանին տրամադրելու մատչելի ձևաչափերով հայալեզու նյութերը, հիմնականում ձայնանիշքերը՝ ըստ պահանջի։ 

Քննարկվել է տարիներ շարունակ հաջողությամբ իրականացվող գրքափոխանակության ծրագիրը երկու գրադարանների միջև, որն իրականացվում է Հայաստանում ԱՄՆ դեսպանության միջնորդությամբ և աջակցությամբ։ Վերահաստատվել է գրքափոխանակության ծրագրի շարունակականության անհրաժեշտությունը և կարևորությունը՝ հաշվի առնելով տարիների ընթացքում երկու գրադարանների համալրման քաղաքականությունների առաջնահերթությունների արդիականացումը։ Կոնգրեսի գրադարանի Աֆրիկայի և Միջին Արևելքի վարչության հայկական և վրացական հավաքածուների մասնագետ Խաչիկ Մուրադյանի հետ քննարկվել են հայկական տպագիր ժառանգության համալրման, մշակման, թվայնացման և վերականգնման հարցերը, Ազգային գրադարանի հետ համագործակցության շրջանակը, մասնավորապես՝ նյութերի հայերեն նկարագրությունների, տառադարձությունների, խորագրերի, ինչպես նաև թվային պատճեների փոխադարձ համալրումների վերաբերյալ։

ՀԱՐՎԱՐԴԻ ՀԱՄԱԼՍԱՐԱՆ

Հարվարդի համալսարանի Մերձավոր Արևելքի լեզուների և քաղաքակրթությունների բաժանմունքի ղեկավար պրոֆեսոր Քրիստինա Մարանչիի հետ հանդիպման ընթացքում    նա հայտնել է իր խորին երախտագիտությունը ՀԱԳ թվային շտեմարանների հասանելիության համար, ինչը նպաստում է իրականացվող հայագիտական հետազոտությունների զարգացմանը։ Ձեռք է բերվել նախնական պայմանավորվածություն աջակցել Հարվարդի համալսարանի հետազոտողներին՝ տրամադրելով հասանելիություն անհրաժեշտ նյութերի թվային պատճեներին, մատենագիտական ցանկերի, ինչպես նաև գիտաժողովների փոխադարձ մասնակցությունների վերաբերյալ։

Հարվարդի համալսարանի Հոութեն գրադարանի (Houghton Library) տնօրեն Թոմաս Հայրիի հետ հանդիպման ընթացքում քննարկվեցին իրենց հավաքածուներում պահվող հնատիպ գրքերի համալրման,    մշակման, պահպանման առանձնահատկությունները։    Վաղ շրջանի գրքերի և ձեռագրերի բաժնի ղեկավար Ջոն Օվրհոլտը և ղեկավարի տեղակալ Քրիստինա Յակոբսոնը ներկայացրեցին Հոութեն գրադարանի հայկական հավաքածուն, դրա ստեղծման պատմությունը, համալրման քաղաքականությունը և մատենագիտական նկարագրությունների նրբությունները և բարդությունները։ 

Հարվարդի համալսարանի Ուայդնր գրադարանի (Widener Library) Միջին Արևելքի, Աֆրիկայի և Ասիայի բաժանմունքի ղեկավար Մայքլ Հոփերը ծանոթացրեց Ուայդնր գրադարանի հայկական հավաքածուներին, որոնք այս պահին կազմում են 145.000 վերնագիր և շարունակաբար համալրվում են։ Հետաքրքրական է, որ Ուայդնր գրադարանը համալրվում է նաև հայալեզու «մանր» նյութերով (բացիկ, ֆլայեր, թերթիկներ և այլն), որոնք արտացոլում են հայկական սփյուռքի իրողությունը։ Ժամանակակից սփյուռքի մամուլի հարուստ հավաքածուն պարբերաբար համալրվում է, ինչը բացառիկ հնարավորություն է տեղեկավտություն ստանալու և ՀԱԳ մատենագիտական ցանկերում արտացոլելու համար։ 

ՀԱՄԱԶԳԱՅԻՆ ՀԱՅԱԳԻՏԱԿԱՆ ԱՍՈՑԻԱՑԻԱՅԻ (NAASR) ՄԱՐՏԻԿՅԱՆ ԳՐԱԴԱՐԱՆ ԱՄՆ 

ԱՄՆ այցի շրջանակում կնքվեց համագործակցության հուշագիր Համազգային հայագիտական ասոցիացիայի Մարտիկյան գրադարանի հետ՝ ամրապնդելով արդեն իսկ ստեղծված արդյունավետ համագործակցությունը։ 

ՀԱԳ տնօրենը հանդես է եկել «Հայաստանի ազգային գրադարան. երեկ, այսօր, վաղը» թեմայով հանրային դասախոսությամբ։ Ներկա էին համայնքի ակադեմիական, մշակութային, կրթական կենտրոնների ներկայացուցիչները։

Համազգային հայագիտական ասոցիացիայի ակադեմիական գծով տնօրեն Մարկ Մամիկոնյանի հետ քննարկվեցին հետագա համագործակցության շրջանակը։ հայագիտական հետազոտությունների աջակցության, մատենագիտական ցանկերի տրամադրման, գիտաժողովների փոխադարձ մասնակցությունների վերաբերյալ։ Մարտիկյան գրադարանի տնօրեն Անի Բաբայանի հետ քննարկվել են Գրադարանի գրառումները Հայաստանի գրադարանների համահավաք գրացուցակում ներառելու շարունակական աշխատանքները, ՀԱԳ-ում տպագիր նյութերի բացակա օրինակների հետահայաց և ընթացիկ համալրումները, ինչպես ֆիզիկական նյութերով, այնպես էլ թվային պատճեներով։

 

 


ԱՄԵՐԻԿԱՅԻ ՀԱՅԿԱԿԱՆ ԹԱՆԳԱՐԱՆ (ALMA) 

Ամերիկայի հայկական թանգարանը հայտնի է իր բացառիկ հարուստ հավաքածուներով։ Թանգարանի տնօրեն Ջեյսն Սողիկյանը և հավաքածուների ղեկավար Գարի Լինդ-Սինանյանը ներկայացրեցին տպագիր հավաքածուները, որոնց մեծ մասը կազմում են Հայաստանից դուրս տպագրված հայալեզու և այլալեզու նյութերը, որոնց մասին Հայաստանում բացակայում է տեղեկատվությունը։ 

Թանգարանը ունի տպագիր մամուլի հարուստ հավաքածու, որն այսօր մեծ հետաքրքրություն է առաջացնում։ Թանգարանը տրամադրեց մամուլի հավաքածուի գրացուցակը՝ ՀԱԳ հավաքածուների հետ համեմատելու և բացակա օրինակների հայտնաբերման և համալրման նպատակով։ 

 


 



ՀԱՅԿԱԿԱՆ ՄՇԱԿՈՒԹԱՅԻՆ ՀԻՄՆԱԴՐԱՄ (ARMENIAN CULTURAL FOUNDATION)

Հայկական մշակութային հիմնադրամը հայտնի է իր հայկական տպագիր մամուլի հավաքածուով։ Այցի նպատակն էր ծանոթանալ տպագիր հավաքածուներին։ Հիմնադրամի հետ ՀԱԳ-ը համագործակցում է տարիներ ի վեր։ 

Տնօրեն Արա Ղազարյանի հետ քննարկվեցին համագործակցության հնարավոր եզրերը, մասնավորապես՝ մամուլի հավաքածուի ուսումնասիրությունը, ՀԱԳ-ում բացակա օրինակների հայտնաբերումը, ինչպես նաև թվային պատճեներով համալրումը։ Հիմնադրամի հավաքածուն հարուստ է նաև եզակի երաժշտական նյութերով, բացառիկ մշակութային արժեք ներկայացնող նամականիով և հեղինակային մակագրություններով նյութեր։ 

 

 

 


ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏ (MASSACHUSETTS INSTITUTE OF TECHNOLOGY) 

ԲՈՍՏՈՆ ԱԹԵՆԻՈՒՄ  (BOSTON ATHENAEUM)  

Բոստոն Աթենիում այցի ընթացքում տնօրեն Աննա Չուլյանը ծանոթացել է գրադարանի հավաքածուների հետ, այդ թվում հայերեն և բացառիկ այլալեզու հայագիտական նյութերի հետ։ Բոստոն Աթենիումի հետ ձեռք է բերվել նախնական պայմանավորվածություն աջակցել հայալեզու նյութերի մատենագիտական նկարագրություններին, ինչպես նաև ՀԱԳ հավաքածուների բացակա նյութերի թվային պատճենների համալրման վերաբերյալ։ 

ՆՅՈՒ ՋԵՐՍԻԻ ՀՈՎՆԱՆՅԱՆ ԴՊՐՈՑ 

Հայկական Հովնանյան դպրոց այցի ժամանակ ներկայացվել են դպրոցի կրթական և մշակութային ծրագրերը։ Ավագ դասարանի սաների հետ հանդիպման ընթացքում  ՀԱԳ տնօրենը ներկայացրել է Հայաստանի ազգային գրադարանը, Գրատպության թանգարանը, հայալեզու շտեմարանները, ինչպես նաև ՀԱԳ կայքը, որը նաև արևմտահայերենով է, ինչը դյուրին է դարձնում սաների համար հասանելիությունը։ 

Տնօրեն Ստեֆանի Թորոսյանի հետ ձեռք է բերվել պայմանավորվածություն 2026 թվականի գարնանը հյուրընկալել ավագ դասարանի սաներին Հայաստանի ազգային գրադարանում և Գրատպության թանգարանում։

  ԲՐՈՒՔԴԵՅԼԻ ՀԱՄԱՅՆՔԱՅԻՆ ՔՈԼԵՋԻ ՀՈԼՈՔՈՍՏԻ, ՄԱՐԴՈՒ ԻՐԱՎՈՒՆՔՆԵՐԻ և ՑԵՂԱՍՊԱՆՈՒԹՅԱՆ ԿՐԹՈՒԹՅԱՆ ԿԵՆՏՐՈՆ    (CHHANGE)  

CHHANGE կենտրոնի տնօրեն դոկտոր Ասյա Դարբինյանը ծանոթացրեց Թանգարանին և Գրադարանի տպագիր հավաքածուին։ Ձեռք է բերվել պայմանավորվածություն աջակցել Կենտրոնի հետազետություններին անհրաժեշտ նյութերի թվային պատճեներով, ինչպես նաև համալրել ՀԱԳ հավաքածուները Կենտրոնի կողմից հրատարակված հայկական թեմաներին առնչվող նյութերով։ 

ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐՈԻՄ ՀՀ ԴԵՍՊԱՆՈՒԹՅՈՒՆ 

Ամերիկայի Միացյալ Նահանգներում ՀՀ դեսպան Նարեկ Մկրտչյանի ՀՀ անկախության 34-րդ տարեդարձին նվիրված ընդունելությանը հրավիրված էր նաև ՀԱԳ տնօրեն Աննա Չուլյանը։ Ընդունելությանը ներկա էին ինչպես ԱՄՆ բարձրաստիճան պաշտոնյաներ, այնպես էլ հայ համայնքի ներկայացուցիչներ, ովքեր հայտնեցին մեծ հետաքրքրություն Հայաստանի ազգային գրադարանի մշակությաին ժառանգության պահպանման և հանրահռչակման ուղղությամբ տարվող աշխատանքների նկատմամբ։ Հայ համայնքի ներկայացուցիչները ցանկություն հայտնեցին Հայաստան այցերի ընթացքում այցելել նաև Հայաստանի ազգային գրադարան և Գրատպության թանգարան։ 

ԲՈՍՏՈՆԻ ՀԱՆՐԱՅԻՆ ԳՐԱԴԱՐԱՆ (BOSTON PUBLIC LIBRARY)