ՀԱՅԱՍՏԱՆԻ ԱԶԳԱՅԻՆ ԳՐԱԴԱՐԱՆ
-
Արևելահայերեն
Հեռախոսահամար
Արևելահայերեն
2025 թվականի ապրիլի 29-30-ին Հայաստանի ազգային գրադարանում տեղի կունենա «Ֆրանսիա-Հայաստան. պատմական և մշակութային երկխոսություն» խորագրով միջազգային երկօրյա գիտաժողով:
Գիտաժողովի նպատակն է համակողմանիորեն ներկայացնել Ֆրանսիայի և Հայաստանի պատմական ու մշակութային բազմաշերտ հարաբերությունները։ Վերջինիս իրենց մասնակցությունն են հաստատել՝ անվանի հետազոտողներ, գիտնականներ և ակադեմիական շրջանակների ներկայացուցիչներ, ովքեր հանդես կգան զեկույցներով և քննարկումներով՝ նվիրված երկու երկրների բազմադարյա փոխհարաբերություններին, համագործակցությանը, գրական ու մշակութային կապերին, հրատարակչական ժառանգությանը և այլ թեմաներին։
Գիտաժողովի ծրագիրը հասանելի է այստեղ ։ Գիտաժողովի նյութերի ժողովածուն հասանելի է այստեղ ։
Հարգելի՛ գործընկերներ,
Հայաստանի ազգային գրադարանը հրավիրում է Ձեզ «Ժառանգության պահպանություն՝ հանուն կայուն ապագայի» խորագրով միջազգային գիտաժողովին՝ նվիրված Հայաստանի ազգային գրադարանի հիմնադրման 105-ամյակին։ Գիտաժողովը միտված է միավորելու ոլորտի առաջատար եւ երիտասարդ մասնագետներին ամբողջ աշխարհից՝ դառնալով հարթակ գրադարանային, թանգարանային, արխիվային, հրատարակչական եւ հարակից ոլորտների միջազգային փորձի փոխանակման, արդի խնդիրների քննարկման, նորարարությունների ներկայացման, ինչպես նաեւ ընդունված միջազգային ձեւաչափերի, կառավարման համակարգերի, տեխնոլոգիաների ներդրման փորձառության համար։ Գիտաժողովի ծրագիրը հասանելի է այստեղ։
Գիտաժողովի նյութերի ժողովածուն՝ այստեղ։
Գիտաժողովի մասնակիցների ներկայացումները՝ այստեղ։
2022թ. սեպտեմբերի 29-ից հոկտեմբերի 1-ը «Հայաստանի ազգային գրադարան» ՊՈԱԿ-ում անցկացվեց «Ժառանգության պահպանություն՝ հանուն կայուն ապագայի» միջազգային գրադարանային գիտաժողովը, որը նվիրված էր հայ գրատպության 510-ամյակին, և դարձավ միջազգային գրադարանային փորձի փոխանակման, նորարարությունների ներկայացման, ինչպես նաև ընդունված միջազգային ստանդարտների, կառավարման համակարգերի և գրադարանային արդի հարցերի քննարկման հարթակ։
Գիտաժողովի մասնակիցները անդրադարձան գրադարանների ավտոմատացման և կառավարման համակարգերի, թվայնացման, նորարար տեխնոլոգիաների, միջազգային չափորոշիչների ներդրման և միջազգային առաջավոր փորձի փոխանակման հարցերին։
Գիտաժողովի նպատակն էր հայ գրատպության 510-ամյակի հանրահռչակումը, Հայաստանի ազգային գրադարանի միջազգային կապերի ընդլայնումը, միջազգային գրադարանային-տեղեկատվական փորձի ներդրումը և ԱՊՀ երկրների գրադարանների միջև փոխադարձ կապերի ամրապնդումը։
Գիտաժողովի նյութերի ժողովածուն հասանելի է այստեղ , հոդվածները՝ այստեղ ։
2019 թ. նոյեմբերի 28-29-ին Ազգային գրադարանում տեղի ունեցավ «Հայ մամուլի դերը ազգային արժեհամակարգի ձևավորման և պահպանման գործում․ ընտանիք, հայրենիք, եկեղեցի» խորագրով համահայկական գիտաժողով: Այն նվիրված էր հայերեն տպագիր մամուլի սկզբնավորման 225-ամյակին։ Առաջին պարբերական ԱԶԴԱՐԱՐ-ը լույս է տեսել Մադրասում 1794-1796 թթ. 18 համարով /տետրակ/։ Գիտաժողովին մասնակցեցին և ելույթներ ունեցան 42 զեկուցաբերներ Հայաստանի Հանրապետությունից, Սփյուռքից և Արցախի Հանրապետությունից։ Հոդվածները ամփոփվել են գիտաժողովի նյութերի ժողովածուում։
Գիտաժողովի նյութերի ժողովածուն հասանելի է այստեղ։
ՀԱՅԿԱԿԱՆ ԳՐԱԴԱՐԱՆՆԵՐԻ ՄԻՋԱԶԳԱՅԻՆ ՉՈՐՐՈՐԴ ՀԱՄԱԺՈՂՈՎ | Հոկտեմբերի 17-19, 2016թ.
ՀԱՅԿԱԿԱՆ ԳՐԱԴԱՐԱՆՆԵՐԻ ՄԻՋԱԶԳԱՅԻՆ ԵՐՐՈՐԴ ՀԱՄԱԺՈՂՈՎ | Հոկտեմբերի 6-7, 2014թ.
ՀԱՅԿԱԿԱՆ ԳՐԱԴԱՐԱՆՆԵՐԻ ՄԻՋԱԶԳԱՅԻՆ ԵՐԿՐՈՐԴ ՀԱՄԱԺՈՂՈՎ | Հոկտեմբերի 5-7, 2012թ.
