Հայաստանի ազգային գրադարանի «Հայ մամուլ» շտեմարանը հարստացավ «Արմինյըն ռեվյու» (The Armenian Review, «Հայկական հանդես», «Հայկական տեսություն») պատմագիտական, հայագիտական հանդեսի 1948-2021 թվականի համարների էլեկտրոնային տարբերակներով➡ https://tert.nla.am/mamul/Armenian-review/Table.html

Թվայնացած և նշաճանաչված համարները գրադարանին է նվիրել պարբերականի գլխավոր խմբագիր, ԱՄՆ Կոլումբիայի համալսարանի դասախոս Խաչիկ Մուրադյանը: The Armenian Review- ն հրատարակվում է անգլերեն՝ Բոստոնում (ԱՄՆ), 1948-ից՝ տարին չորս համար: Տարբեր տարիների հանդեսի խմբագիրներ են եղել Ջեյմս Թաշչյանը, Ժիրայր Լիպարիտյանը, Թաթուլ Սոնենց-Փափազյանը, Հայկ Օշականը, Ասպետ Քոչիկյանը, այլք:

Հրապարակում է Սփյուռքի, Հայաստանի, հայ ժողովրդի պատմության, մշակույթի վերաբերյալ հոդվածներ, հայագիտական առավել նշանակալի ուսումնասիրությունների գրախոսություններ: Հանդեսում կարևոր տեղ ունի Հայկական հարցի տարբեր խնդիրների, առանձնապես՝ հայերի ցեղասպանության պաշտպանության մշակումը: