Հոկտեմբերի 7-ին տոնական մթնոլորտ էր թևածում Հայաստանի ազգային գրադարանում։ Գրադարանավարի օրվա առթիվ ՀԱԳ բազմաթիվ աշխատակիցներ պատվոգրեր ստացան՝ նվիրված աշխատանքի և իրենց մասնագիտական ներդրման համար։

Այս տարի նշվում է գրադարանի պետական կարգավիճակ ստանալու 105-ամյակը, որի առթիվ պատրաստվել են հատուկ արծաթյա կրծքանշաններ։ Այսօր մի խումբ աշխատակիցներ պարգևատրվեցին այդ անվանական հուշանվերներով։ Պարգևատրության արարողությունը առիթ էր ընդգծելու գրադարանի աշխատակիցների անդադար ջանքերն՝ ուղղված գրադարանի հավաքածուների շարունակական հարստացմանը, դրանց պահպանմանը և ծառայությունների մատչելիությանը՝ կարևորելով նաև գրադարանային սպասարկման որակի բարելավումը:

Միջոցառման գեղարվեստական հատվածն ապահովեցին «Մաեստրո» մշակութային կազմակերպության «Բյուր աստղ» նախագծի պատանի երաժիշտները, որոնց ոգեշնչող ելույթներն ապահովեցին միջոցառման մասնակիցների բարձր տրամադրությունը։