Այսօր նշում ենք հայ երգի թագուհի Օֆելյա Համբարձումյանի 100-ամյակը: Նրա անունը ոսկե տառերով է գրված հայ մշակույթի պատմության մեջ՝ որպես ազգային երգարվեստի անզուգական կատարող, որի երգերը հավերժ կմնան հայ երգարվեստի գանձարանում:

Ավետիք Իսահակյանը առաջիններից մեկն է գնահատել Օֆելյա Համբարձումյանի տաղանդը: Հետագայում անգերազանցելի մնացին Վարպետի բանաստեղծությունների հիման վրա գրված մի շարք երգերի նրա կատարումները: Օֆելյա Համբարձումյանը ձայնը դարերի խորքից եկող մաքուր հնչյունների պես հարստացրել է մեր երաժշտական ժառանգությունը։ Երգչուհու ստեղծագործության մեջ առաջնային տեղ են գրավել Սայաթ-Նովայի, աշուղներ Հավասու, Աշոտի և Շահենի երգերը, որոնք մինչև այսօր շարունակում են հուզել յուրաքանչյուր լսողի։

Հայաստանի ազգային գրադարանում կարող եք գտնել նրա կատարումների վերարտադրությունները, նրա վերաբերյալ հոդվածներ, վերլուծություններ, գրքեր ձոնված սիրված երգչուհուն, որոնք հայ երգարվեստում նրա անգնահատելի ներդրման վկայություններն են:

Հիշելով Օֆելյա Համբարձումյանին՝ մենք ոչ միայն գնահատում ենք մեր մեծերին, այլև պարտավորվում ենք պահպանել ու փոխանցել նրանց թողած ժառանգությունը։