ՀԱՅԱՍՏԱՆԻ ԱԶԳԱՅԻՆ ԳՐԱԴԱՐԱՆ

Հայաստանի ազգային գրադարանը որպես գրատպության խոշորագույն պահոց և գրադարանագիտական, տեղեկատվական կենտրոն, ստեղծում է բոլոր պայմանները տեղեկատվության հավաքագրման, մշակման և ընթերցողներին այն հնարավոր բոլոր տարբերակներով հասանելի դարձնելու համար: Գրադարանի հարուստ հավաքածուներում առանձնանում են հայերեն առաջին տպագիր գիրքը «Ուրբաթագիրքը» (1512 թ., Վենետիկ), առաջին պարբերականը «Ազդարարը» (1794 թ., Մադրաս), առաջին տպագիր քարտեզը «Համատարած աշխարհացոյցը» (1695թ., Ամստերդամ): Գրադարանի գործառույթները բազմապիսի են՝ ընթերցողների սպասարկում, տպագիր նյութի համալրում, մշակում, պահպանում, թվայնացում, մատենագիտական հետազոտական աշխատանքներ, որոնք արժևորում են գրադարանը՝ որպես գիտական կառույց:

 

ՀԱԳ-ի պատմության սկիզբը համարվում է 1832 թ., երբ հիմնադրվել է Երևանի Արական գիմնազիայի գրադարանը, որի 18.000 միավոր հավաքածուի հիման վրա կազմավորվել է Հայաստանի ազգային գրադարանը: 1925-1990 թթ. գրադարանը կրել է նշանավոր պետական և հասարակական գործիչ Ալ. Մյասնիկյանի անունը, իսկ 1990 թ. վերանվանվել է Հայաստանի ազգային գրադարան: Գրադարանը տեղավորված է 4 մասնաշենքում: Ամենահինը Ալ. Թամանյանի նախագծած գլխավոր մասնաշենքն է (1939թ.): Թամանյանական մասնաշենքի կառուցումը ֆինանսավորել են Խորհրդային Հայաստանի կառավարությունը և «Գրիգոր և Կարապետ Մելքոնյան» հիմնադրամը: Այնուհետև շենքը հիմնանորոգվել է 2008-2011-ին այս անգամ ՀՀ կառավարության ֆինանսավորմամբ: Գրադարանի ընթերցողական շրջանակը շատ լայն է:

 

Տարբեր տարիներին գրադարան են հաճախել հայ անվանի գրողներ Ավետիք Իսահակյանը, Դերենիկ Դեմիրճյանը, Պարույր Սևակը, Նաիրի Զարյանը, հայտնի գիտնականներ Վիկտոր Համբարձումյանը, Սերգեյ Մերգելյանը, Ջոն Կիրակոսյանը, Էդուարդ Ջրբաշյանը և շատ ուրիշներ:

ՆՈՐՈՒԹՅՈՒՆՆԵՐ

Անվճար փորձնական մուտքի հնարավորություն «Էլզեվիեր» ընկերության «ScienceDirect» և «Scopus» շտեմարաններին

Անվճար փորձնական մուտքի հնարավորություն «Էլզեվիեր» ընկերության «ScienceDirect» և «Scopus» շտեմարաններին

Հարգելի՛ գործընկեր, ՀՀ ԿԳՄՍ նախարարության գիտության կոմիտեի կողմից իրականացվող նախագծի շրջանակում ԳԱԱ ինստիտուտները մինչև 2021 թվական հունիսի 30-ը ստացել են անվճար փորձնական մուտքի հնարավորություն «Էլզեվիեր» ընկերության «ScienceDirect» և «Scopus» շտեմարաններին։ ScienceDirect –ը (https://www.sciencedirect.com/) պարունակում է «Էլզեվիեր» հրատարակչության կողմից հրատարակվող առաջատար գիտական ամսագրերի հոդվածների և գրքերի ամբողջական տեքստերը։ ScienceDirect –ի բազմամասնագիտական հարթակը ապահովում է գիտության բոլոր ոլորտների գրականության լուսաբանումը՝ ապահովելով հասանելիություն «Էլզեվիեր» հրատարակչության 2500 գիտական ամսագրերի ավելի քան 18 միլիոն հրատարակությունների և ավելի քան 37000 գրքի, ինչպես նաև հսկայական քանակության ամսագրերի՝ հրատարակված հեղինակավոր գիտական համայնքների կողմից: Մուտքի հնարավորությունը ներառում է հասանելիություն ամսագրերի ընթացիկ տարվա, ինչպես նաև նախորդ չորս ...

ավելին »

ՄԻՋՈՑԱՌՈՒՄՆԵՐ

Հրաչյա Աճառյան-145

Հրաչյա Աճառյան-145

#Ազգային_գրադարանային_շաբաթի_ծրագրում «…Աճառյանի բառարանները սոսկ բառարան չեն, այլ մի ողջ պետություն։ Փոքրամարմին այդ հսկան իր ողջ կյանքում 5100 բառի ստուգաբանություն է գրել, որոնց 80-90 տոկոսը փոփոխության չի ենթարկվել…»իր խոսքում նշեց հայ բանասիրության ֆակուլտետի  հայոց լեզվի պատմության ամբիոնի դոցենտ նարինե Դիլբարյանը։ Այս տարի լրանում է ականավոր հայ ...
«ՀԱՅԿԱԿԱՆ ԵԿԵՂԵՑԻՆԵՐ» բացիկաշար-ալբոմի շնորհանդես, համանուն գծանկարների ցուցահանդես

«ՀԱՅԿԱԿԱՆ ԵԿԵՂԵՑԻՆԵՐ» բացիկաշար-ալբոմի շնորհանդես, համանուն գծանկարների ցուցահանդես

Հայաստանի ազգային գրադարանի մեծ ցուցասրահում տեղի ունեցավ գեղագետ-արվեստաբան Լևոն Լաճիկյանի ...