Հայաստանի ազգային գրադարանէն ներս ցուցադրուեցաւ Սինէ-ակումբի հերթական ֆիլմը՝ «Արհամարհանք»-ը, որ հիմնուած է Ալպերթո Մորաւիայի հանրայայտ համանուն վէպին վրայ։ «Թէեւ ֆիլմը ստեղծելու ատեն ֆրանսացի բեմադրիչ Ժան-Լիւք Կոտարը այդ վէպին վրայ յենուած է, բայց ատիկա բնաւ չէ խանգարած զինքը գրականութենէն ամբողջովին դուրս ըլլալու»,- Թամանեանական դահլիճէն ներս, ցուցադրութենէն առաջ, ըսաւ «Ֆիլմադարան» ֆիլմի մշակոյթի զարգացման հասարակական կազմակերպութեան հիմնադիր նախագահ, ֆիլմագէտ Գարեգին Զաքոյեանը։

Ֆիլմագէտին խօսքով՝ բեմադրիչ, բեմագիր Կոտարը ֆիլմարուեստի գործիչ է, որ «ոտքով-ձեռքով ֆիլմի մէջ է»՝ իրատեսական հայեացքներով, մտքերով, բնաբաններու բազմազանութեամբ, ոճային առանձնայատկութիւններով, ինչ որ ալ ֆիլմերուն կը հաղորդէ նոր գոյներ ու նոր լոյս։ «Եթէ Կոտարէն ընդամէնը մէկ ֆիլմ դիտէք, ապա շատ դժուար պիտի ըլլայ անոր մասին ճիշդ պատկերացում ունենալ։ Կոտարը, եւ առհասարակ ֆրանսացի միւս բեմադրիչները, առաջինն էին ֆիլմի պատմութեան մէջ, որ կը զգային, կը հասկնային ֆիլմի պատմութիւնը։ Իրենք կը սիրէին իրենց նախնիներուն ֆիլմերը եւ կ’ապրէին ատոնցմով. մէկ կողմէ՝ յենուելով նախնիներուն վրայ, միւս կողմէ՝ նոր ձեւեր բերելով ֆիլմարուեստին մէջ»,- նշեց Զաքոյեանը։

«Արհամարհանք»-ը տղամարդու եւ կնոջ շատ հետաքրքրական յարաբերութիւններու մասին է, թէ ինչպէ՛ս սէրը կրնայ վերածուիլ արհամարհանքի։ Ֆիլմին հիմնական տեսարանները նկարահանուած են փողոցը, որոնք, ըստ ֆիլմագէտին, «Կեանքին աւելի մօտ ու հարազատ են»»։ Երրորդ տարին ըլլալով Ֆրանսայի դեսպանութիւնը եւ Հայաստանի ֆրանսական հիմնարկը «Ֆիլմադարան» հասարակական կազմակերպութեան հետ համատեղ Ազգային գրադարանէն ներս կը կազմակերպեն ֆիլմի դիտումներ՝ նուիրուած ֆրանսական ֆիլմին։