«Ուր կ’երեւէր, լոյս կը բերէր, լաւատեսական տրամադրութիւն կը տարածէր, երբեք չէր վհատէր, կը մաքառէր անընդհատ։ Վանականները կ’ընդունէին զինք որպէս իւրայինի, ըլլար ատիկա Սուրբ Էջմիածնի, թէ Անթիլիասի կամ Սուրբ Ղազար կղզիին մէջ։ Գոց գիտեր հարիւրաւոր հնագոյն ձեռագիրներ, սուրբ գիրքեր, մատեաններ։ Եւ կեանքն ալ էր անոր անցնում հայ գիրքի քառուղիին, որպէս ազգային գանձերու անընկճելի պահապան». Աւիկ Իսահակեան։

Գրականագէտ, լրագրող, բանասիրական գիտութեանց դոկտոր Վարդան Տեւրիկեանը ծնած է 1964 թուականի մայիս 18-ին։ Այսօր սիրուած գրականագէտը կը դառնար 60 տարեկան։ Վարդան Տեւրիկեանը երկար տարիներ եղած է Հայաստանի ազգային գրադարանի ընթերցողը, բարեկամը եւ աջակիցը:

Անուանի գիտնականը գրադարանի գիտական խորհուրդի անդամ էր: Ան խմբագրած է գրադարանի կազմած եւ հրատարակած «Հայ գիրքը 1921-1930 թուականներուն» եւ «Հայ գիրքը 1931-1940 թուականներուն» հատորները, «Գանձեր Հայաստանի ազգային գրադարանի» պատկերագիրքը եւ այլ հրատարակութիւններ: Արձակագիր, հրապարակախօս Գէորգ Տեւրիկեանի որդին՝ Վարդան Տեւրիկեանը, աւելի քան 40 գիրքի եւ 60-է աւելի գիտական յօդուածներու հեղինակ է։ Ան մասնակցած է Արցախեան պատերազմին, 1994 թուականի մայիս 28-ին պարգեւատրուած է Հայաստանի «Մարտական խաչ» երկրորդ աստիճանի շքանշանով: Տեւրիկեանը աշխատած է Մաշտոցի անուան Մատենադարանը, եղած «Լուսաւորիչ» թերթի գլխաւոր խմբագիրը։16 տարի շարունակ եղած է Մայր աթոռ սուրբ Էջմիածնի «Էջմիածին» ամսագրի գլխաւոր խմբագիրը եւ Մայր աթոռի ձեռագրատան վարիչը: 2009 թուականի դեկտեմբերէն եղած է ՀՀ ԳԱԱ Մանուկ Աբեղեանի անուան Գրականութեան հիմնարկի փոխտնօրէնը, իսկ 2015 թուականի մայիսէն մինչեւ իր մահը՝ 2023 թուականի ապրիլ 13-ը՝ հիմնարկին տնօրէնը: