Յուլիս 9-ին Հայաստանի ազգային գրադարանի համագործակցութեան եւ գրքափոխանակութեան բաժինի խումբ մը աշխատակիցներ այցելեցին Սիւնիքի մարզային գրադարան։ ԿԳՄՄ նախարարութեան կողմէ տրամադրուող դրամային աջակցութեան շրջանակներէն ներս Սիւնիքի մարզային եւ համայնքային (ք․ Սիսիանի Շաքի, Շաղաթի բնակավայրերի, «Համո Սահեանի անուան Սիսիանի քաղաքային մշակոյթի կեդրոն» ՀՈԱԿ-ի գրադարաններ, «Մեղրիի մարզամշակութային կեդրոն» ՀՈԱԿ-ի կեդրոնական, Գորիսի Գուսան Աշոտի անուան մշակոյթի կեդրոն ՀՈԱԿ-ի գրադարանային բաժնի կեդրոնական եւ «Քաջարանի համայնքապետարանի գրադարանային միաւորում» ՀՈԱԿ-ի) գրադարաններու հաւաքածոներու համալրման նպատակաւ տրամադրուեցաւ 359 միաւոր գրականութիւն:

Այցելութեան շրջանակներէն ներս ՀԱԳ-ի ներկայացուցիչները ծանօթացան Սիւնիքի մարզային գրադարանի բաժիններու գործունէութեանը, շրջեցան գրադարանային հաւաքածոյի համալրման եւ մշակման, հաւաքածոյի կազմակերպման, օգտագործման եւ պահպանման, մանկական, արուեստի, մատենագիտութեան բաժիններու աշխատանքին, տեղեկացան գրադարանի ծրագիրներուն, քննարկում ունեցան գրադարաններու կարիքներուն վերաբերեալ։ Գրադարաններուն փոխանցուեցաւ հայ եւ արտասահմանեան գրողներու գեղարուեստական ստեղծագործութիւններ, գիտական, պատմական բնոյթ եւ այլ բնաբաններով գրականութիւն։

Մարզային եւ համայնքային գրադարաններու շարունակական այցելութիւնները շատ կարեւոր են գրադարաններու կարիքներուն վերաբերեալ աւելի լաւ պատկերացում կազմելու եւ արդիւնաւէտ օգնութեան ուղիներ գտնելու տեսանկիւնէն։