«Հայաստանի գրադարանները 2023 թուականին» աշխատութիւնը լոյս տեսած է Հայաստանի ազգային գրադարանի կողմէ (կազմող՝ Մարիամ Ասլանեան)։

Համաձայն ժողովածոյին՝ 2023 թուականին հանրապետութեան մէջ գործած է հանրային բնոյթի 578 գրադարան, որոնցմէ 10՝ մարզային, 110՝ քաղաքային, 437՝ գիւղային եւ 21՝ մանկական գրադարան։ Գիրքին մէջ ներկայացուած է նաեւ Հայաստանի ազգային, Խնկո Ապոր անուան ազգային մանկական, ՀՀ ԳԱԱ հիմնարար գիտական, Գործառնական եւ Գիտաբժշկական գրադարաններու 2023 թուականի տարեկան ամփոփ վիճակագրութիւնը։

Առանձին ներկայացուած են նաեւ համալսարանական գրադարաններուն տուեալները՝ համալսարաններուն տրամադրած տարեկան հաշուետուութիւններուն հիման վրայ։ Գիրքը կազմուած է Հայաստանի ազգային վիճակագրական վարչութեան տրամադրած տուեալներով։ Ան հետազօտողներու, գրադարաններու, զանգուածային լրատուամիջոցներու եւ տարբեր կազմակերպութիւններու համար անհրաժեշտ աղբիւր է Հայաստանի տարածքին մէջ գործող գրադարաններու գործունէութեան ուսումնասիրութեան համար։ Գիրքը լոյս տեսած է սահմանափակ տպաքանակով։ Գիրքին թուային տարբերակին կարելի է ծանօթանալ հետեւեալ յղումով՝ https://dspace.nla.am/items/da139a79-11bd-49e9-8a5c-dea6ea60ed6c