Սինէ-ակումբին յաջորդ ֆիլմը Հայաստանի ազգային գրադարանին մէջ ցուցադրուեցաւ մարտ 2-ին։ Պաստառին վրայ էր Ժաք Ռիւէթի «Փարիզը մերն է» ֆիլմը։ Ֆիլմը ունի խոստումնալից դերասանական կազմ, դասական բեմադրութիւն, նաեւ գրաւիչ բնանիւթ եւ ֆիլմագիտական յղումներու առատութիւն։

Հակառակ ֆիլմին տեւողութեան՝ 142 վայրկեան է, ֆիլմագէտ, «Ֆիլմադարան» ՀԿ-ի նախագահ Գարեգին Զաքոյեանը նշեց, որ ասիկա բեմադրիչին ամէնէն կարճ ֆիլմն է։ Անոր մէկ այլ՝ «Ինծի մի՛ դպնար» ֆիլմը կը տեւէ 13 ժամ եւ կը համարուի ամէնէն երկարներէն մէկը ֆիլմի պատմութեան մէջ։ Ֆիլմագէտը խորհուրդ տուաւ հանդիսատեսին անպայման դիտել բեմադրիչին միւս ֆիլմերը՝ աւելի լաւ պատկերացում կազմելու համար անոր մասին։

Սինէ-ակումբը Հայաստանի ազգային գրադարանին մէջ կը գործէ արդէն երրորդ տարին ըլլալով՝ «Ֆիլմադարան» ֆիլմի մշակոյթի զարգացման ՀԿ-ի, Ազգային գրադարանի, Հայաստանի մէջ Ֆրանսայի դեսպանութեան Ֆրանսական հիմնարկի համագործակցութեամբ։ Ֆիլմի ակումբին յաջորդ ցուցադրութիւնը ապրիլ 16-ին է, ժամը՝ 19:00-ին։ Կը հրաւիրենք ձեզ՝ բացայայտելու համաշխարհային ֆիլմը յեղափոխած ֆրանսական «նոր ալիքի» յաջորդ գլուխգործոցը՝ Քլոտ Շապրոլի «Սիրուն Սերժը» ֆիլմը։