Այսօր դիտեցինք Ժաք Բեքերի լավագույն ու ճանաչված ֆիլմերից «Ոսկե սաղավարտը»։ Այն համարվում է ֆրանսիական կինոյի դասական։ Գործողությունները տեղի են ունենում 1900-ականների սկզբի Փարիզում՝ Belle Époque-ի շրջանում, որտեղ քաղաքի «ստվերային աշխարհը», մութ փողոցները և սիրո ողբերգական պատմությունը միախառնված են։

Գլխավոր հերոսուհին՝ Մարի (Simone Signoret), հայտնի է «Casque d’Or» մականվամբ՝ իր ոսկեգույն մազերի շնորհիվ։ Նա կապված է մի գանգստերական խմբավորման հետ, սակայն երբ հանդիպում է ազնիվ ու համարձակ փայտագործ Ժորժ Մանդային (Serge Reggiani), նրանց միջև սեր է ծնվում։ Սակայն այդ սերը անմիջապես բերում է ներքին պատերազմ, նախանձ, հաշվեհարդար և ողբերգական բախումներ՝ հանցագործ աշխարհի և միևնույն ժամանակ մարդկային նուրբ զգացմունքների մեջ։

Ինչո՞ւ է այս ֆիլմը առանձնահատուկ

▪️Ժաք Բեքերը կենտրոնացել է ոչ թե գործողությունների, այլ կերպարների մարդկային խորության վրա։

▪️Ֆիլմը հայտնի է իր «կամերային» ռեժիսուրայով՝ պարզ, բայց հզոր տեսարաններով։

▪️Բեկերի մոտեցումը հաճախ համեմատում են ֆրանսիական նեոռեալիզմի հետ՝ բնականություն, լուռ լարվածություն, իրական հույզեր։

▪️Ֆիլմը Simone Signoret-ին բերեց միջազգային ճանաչում։