Ապրիլ 6–էն 10 Հայաստանի ազգային գրադարանի Համալրման բաժնի 1-ին կարգի գրադարանավար Տաթեւիկ Ղամբարեանը մասնակցած է «Փաստաթուղթերու վերականգնում. պահպանողականութիւն եւ նորարարութիւն» 8-րդ միջազգային գիտաուսումնական սեմինարին։ Գիտաուսումնական սեմինարին Տաթեւիկ Ղամբարեանը հանդէս եկած է «Տպագիր արտադրանքի առաջնային զննում։ Պահպանողներու եւ վերականգնողներու համագործակցութիւնը Ազգային գրադարանէն ներս» խորագրով զեկոյցով՝ քննարկուած են ոլորտին առնչուող կարեւորագոյն հարցեր․

▪️ գրադարանային պահոցներու մշտադիտարկում,

▪️ փաստաթուղթերու վերականգնման ժամանակակից մօտեցումներ,

▪️ կանխարգելիչ պահպանութիւն եւ դասական վերականգնում,

▪️ իրականացուած վերականգնողական աշխատանքներու փորձի փոխանակում:

Գործուղման ընթացքին կայացած են աշխատանքային հանդիպումներ Ռուսիոյ եւ Անկախ պետութեանց համագործակցութեան (ԱՊՀ) երկրներու գրադարաններու ներկայացուցիչներուն հետ, որոնց ընթացքին քննարկուած են համագործակցութեան ընթացիկ ծրագիրներն ու զարգացման հեռանկարները՝ յատկապէս պահոցներու պահպանման եւ վերականգնման ոլորտներուն մէջ։ «Փաստաթուղթերու վերականգնում. պահպանողականութիւն եւ նորարարութիւն» 8-րդ միջազգային գիտաուսումնական սեմինարը կազմակերպած էր Ռուսիոյ պետական գրադարանը։