Հեռախոսահամար
հլս 22, 2024 Միջոցառումներ-arm
Յուլիս 6-ին Հայաստանի ազգային գրադարանէն ներս տեղի ունեցաւ «Հայ բանասիրութեան հեռանկարները» միջազգային գիտաժողովը։ Անիկա կազմակերպուած էր Ամերիկայի Միացեալ Նահանգներու Արեւմտեան թեմի առաջնորդարանի նախաձեռնութեամբ (յանձնախումբի քարտուղար Նորայր Պօղոսեան) եւ Հայաստանի ազգային գրադարանի հետ համագործակցութեամբ։ Լիագումար նիստին ելոյթ ունեցաւ Ազգային գրադարանի գիտական փոխտնօրէն Հայկանոյշ Ղազարեանը, ով ներկայացուց «Ազգային գրադարանի շտեմարանները. աջակցութիւն հայագիտութեան» զեկուցումը։ ՀԱԳ «Հայ գիրք», «Հայ մամուլ», «Հայաստանի ատենախօսութիւններու համահաւաք պահոց» եւ «ՀԱԳ թուային պահոց» շտեմարանները ստեղծուած են առաջին հերթին աջակցելու հայագիտական հետազօտութիւններուն, դիւրացնելու անհրաժեշտ նիւթերու որոնումը եւ ապահովելու թուային բովանդակութեան մատչելիութիւնը։
Օգտակար եւ ուշագրաւ զեկուցումներ ներկայացուցին Սեւան Տէիրմենճեանը (Պոլիս, Թուրքիա), ՀՀ ԳԱԱ թղթակից անդամ, բանասիրական գիտութեանց դոկտոր, փրոֆեսոր Այլիթա Տոլուխանեանը, բանասիրական գիտութեանց դոկտոր, փրոֆեսոր Վազգէն Համբարձումեանը, բանասիրական գիտութեանց դոկտոր, փրոֆեսոր Սամուէլ Մուրատեանը եւ ուրիշներ։ Հայաստանի ազգային գրադարանը պատրաստակամ է համագործակցելու հայ մշակոյթի պատմութեան հարցերով զբաղող հայագիտական հետազօտութիւններ կատարող կազմակերպութիւններուն հետ։