Արդիւնաւէտ եղած է Հայաստանի ազգային գրադարանի աշխատակիցներուն մասնակցութիւնը «Յիշողութեան կերպարանքներ» եւ «Գծապատկերային եւ արխիւային փաստաթուղթերու պահպանութեան հիմունքներ. գործնական հմտութիւններ, փոշեզրկում, փաթեթաւորում» եռօրեայ գիտագործնական սեմինարներուն։ Երկու սեմինարներուն մասին իրենց գործընկերներուն պատմեցին «Յիշողութեան կերպարանքներ» գիտագործնական սեմինարի մասնակից վերականգնումի բաժնի վարիչ Վարդուհի Գէորգեանը եւ գլխաւոր գրապահոցի յառաջատար գրադարանավար Լիանա Սայադեանը, ինչպէս նաեւ միւս սեմինարի մասնակիցները՝ վերականգնումի բաժնի աշխատակիցներ Գայիանէ Կարապետեանը եւ Անոյշ Ղազարեանը։

Մատենադարանին մէջ կայացած «Յիշողութեան կերպարանքներ» 13-րդ ամէնամեայ միջազգային գիտագործնական սեմինարը այսօր ստանձնած է վերականգնումի ասպարէզէն ներս միջազգային հարթակ դառնալու պատասխանատուութիւնը՝ ստեղծելով եզակի հնարաւորութիւն աշխարհի յառաջատար մասնագէտներու փորձի ու գիտելիքի փոխանակման համար։

ԳԱԹ-ի մէջ կայացած «Գծապատկերային եւ արխիւային փաստաթուղթերու պահպանութեան հիմունքներ. գործնական հմտութիւններ, փոշեզրկում, փաթեթաւորում» գիտագործնական սեմինարի ընթացքին, ի թիւս այլ հարցերու, կարեւորուած է գրապահոցներուն մէջ տպագիր արտադրանքի առաջնային պահպանութիւնը՝ աւելի լաւ է կանխարգիլել, քան՝ բուժել սկզբունքով։

Նման գործնական հանդիպումները, սեմինարները, խորհրդատուութիւնը շատ կարեւոր են՝ որպէս փորձի փոխանակման, աշխատանքի նոր մեթոտներու իւրացման եւ օգտակար ծանօթութիւններ հաստատելու հնարաւորութիւն։