Ֆրանսուա Թրիւֆոյի գործունէութեան գեղեցիկ եզրափակում «Վերջապէ՛ս կիրակի» ֆիլմով եզրափակուեցաւ նաեւ Հայաստանի ազգային գրադարանի Սինէ-ակումբի այս տարուան՝ 2024-ի ֆիլմի ցուցադրումներուն շարքը։ Թրիւֆոյի կենսունակ ու գրաւիչ արկածախնդրական պատմութեան գլխաւոր հերոսները մարմնաւորած են ֆրանսացի հռչակաւոր դերասաններ Ֆանի Արտանն ու Ժան Լուի Թրենթինիանը։

Ֆիլմին մէջ բեմադրիչը ընտրած է սեւ ու ճերմակ գունապնակը՝ յիշեցնելով 1940-1950-ականներու դասական ֆիլմերը, ինչ որ ֆիլմին յուշային եւ վայելուչ մթնոլորտ կը ներշնչէ։ «Վերջապէ՛ս կիրակի»-ին մէջ Թրիւֆոն համադրած է իր ամբողջ ստեղծագործական վարպետութիւնը՝ ժանրային փորձարկումներէն մինչեւ բնանիւթային կառուցուածքի նրբագեղութիւն։

Սինէ-ակումբը Հայաստանի ազգային գրադարանին մէջ կը գործէ արդէն երրորդ տարին ըլլալով «Ֆիլմադարան» ֆիլմի մշակոյթի զարգացման հասարակական կազմակերպութեան, Ազգային գրադարանի, Հայաստանի Ֆրանսայի դեսպանատան Ֆրանսական հիմնարկի համագործակցութեամբ ֆիլմասէրներուն ներկայացնելով ֆրանսական ֆիլմերու ընտրանի մը։ Ֆիլմերը կը ցուցադրուին ֆրանսերէնով` հայերէն եւ անգլերէն ենթագրերով։