Սիրելի ֆիլմասէրներ, մարտ 11-էն սկսեալ Ազգային գրադարանին մէջ պիտի վերսկսին Սինէ-ակումբի ֆիլմային ցուցադրութիւնները։ Այս տարուան ֆիլմի հերոսն է ֆիլմի պատմութեան մեծագոյն վարպետներէն մէկը՝ ֆրանսացի նշանաւոր բեմադրիչ Ռոպէր Պրեսոնը։

Թարքովսքիի, Կոտարի, Մարկերիթ Տիւրասի եւ շատ ուրիշներու սիրելի բեմադրիչ Ռոպէր Պրեսոնի ֆիլմերու յետահայեաց ծրագիրը գրադարանի թամանեանական մեծ դահլիճին մէջ պիտի մեկնարկէ ժամը՝ 19:00-ին՝ «Մուշեթ» ֆիլմով։

Սինէ-ակումբը Հայաստանի ազգային գրադարանին մէջ կը գործէ արդէն չորրորդ տարին ըլլալով «Ֆիլմադարան» ֆիլմի մշակոյթի զարգացման հասարակական կազմակերպութեան, Ազգային գրադարանի, Հայաստանի մէջ Ֆրանսայի դեսպանութեան Ֆրանսական հիմնարկի համագործակցութեամբ ֆիլմասէրներուն ներկայացնելով ֆրանսական ֆիլմերու ընտրանի մը։ Ֆիլմերը կը ցուցադրուին ֆրանսերէնով` հայերէն եւ անգլերէն ենթագիրներով։ Այս տարի Սինէ-ակումբը կ’առաջարկէ Ռոպէր Պրեսոնի ֆիլմերու յետահայեաց ցուցադրութիւնը։