Ազգային գրադարանային շաբթուան ծիրէն ներս, ապրիլ 18-ին, Հայաստանի ազգային գրադարանի Համագործակցութեան եւ գրքափոխանակութեան բաժնի աշխատակիցներ Մայա Հայրապետեանն ու Անիցա Կենճեանը այցելեցին Արարատի մարզային գրադարան։

Արարատի մարզային գրադարանը եւ վեց համայնքային գրադարանները համալրուեցան 364 հատ գրականութեամբ։ Գրականութեան նուիրատուութիւնը կատարուեցաւ Համագործակցութեան եւ գրքափոխանակութեան բաժնի տարեկան յատկացումով։

Վետիի համայնքի գրադարանին մէջ, աշխատակիցներուն համար կազմակերպուեցաւ վերապատրաստման դասընթաց մը՝ «Համայնքային գրադարաններու հաւաքածոներու ելեկտրոնային հաշուառում եւ գոյքագրում» խորագրով։ Մասնակից գրադարանավարները գործուն կերպով մասնակցեցան քննարկումներուն եւ պատրաստակամութիւն յայտնեցին միանալու հաւաքածոներու գոյքագրման գործընթացին: