2024-ին լրացավ հայ ամենանշանավոր բանաստեղծներից մեկի՝ Զահրատի 100-ամյակը։ Ազգային գրադարանը հուլիս ամսին Զահրատի գրքերի գրեթե լիակատար ընդգրկումով ցուցադրություն էր կազմակերպել թամանյանական փոքր ցուցասրահում։

Լույս է տեսել Զահրատի 100-ամյակին նվիրված ստեղծագործությունների ժողովածուն՝ «Զահրատ 100 Հատընտիր»-ը, որը կազմել է Պատրիարքարանի Տեղեկատվության և հրատարակչության բաժանմունքների պատասխանատու Յովակիմ Վրդ. Սերովբեանը։ Նա անձամբ գրքի 2 օրինակ նվիրել է Հայաստանի ազգային գրադարանին, որոնք շուտով կհամալրեն Ազգային գրադարանի հսկայական հավաքածուն։

ժողովածուն ներկայացնում է Զահրատի լավագույն բանաստեղծությունների ընտրանին՝ նրա ստեղծագործական ուղու տարբեր շրջաններից։ «Զահրատ-100 Հատընտիր»ը յուրահատուկ ուղեցույց է բանաստեղծի ստեղծագործությունների բազմազանության մեջ՝ ընդգծելով այն թեմաները, որոնք մշտապես զարդարում են նրա պոեզիան։ Այս ժողովածուն ոչ միայն խորացնում է բանաստեղծ-ընթերցող կապը, այլև ընդգծում է Զահրատի տեղն ու դերը հայ գրականության պատմության մեջ։

Այս գիրքը հիանալի ընտրություն է թե՛ նրանց համար, ովքեր նոր են ծանոթանում Զահրատի ստեղծագործություններին, թե՛ նրանց համար, ովքեր ցանկանում են վերստին ընկղմվել նրա պոեզիայի մեջ։