Եւրոպական պատմութեան ամէնէն հերոսական կերպարներէն մէկն ու ամէնէն նշանաւոր դատավարութիւնը՝ հանճարեղ Պրեսոնի աչքերով։ Չորրորդ տարին ըլլալով Ֆրանսայի դեսպանութիւնը Հայաստանի ֆրանսական հիմնարկը եւ «Ֆիլմադարան» ՀԿ-ը կը շարունակեն Հայաստանի ազգային գրադարանին մէջ ֆիլմային նուիրուած Սինէ-ակումբին աշխատանքները։ Այս տարի ֆիլմի ակումբը հանդիսատեսին կը ներկայացնէ Ռոպէր Պրեսոնի ֆիլմերուն յետահայեաց ծրագիրը։ 15-րդ դարուն, Հարիւրամեայ պատերազմի տարիներուն, բազմաթիւ յաղթանակներէ ետք, 19-ամեայ Ժաննա Տարքը կը գերեվարուի հակառակորդին կողմէ, ապա կը վաճառուի անգլիացիներուն։ Բանտարկեալ Ռուանի ամրոցի խուցին մէջ՝ ան ամիսներ շարունակ կը կանգնի դատարանին առջեւ կախարդ ըլլալու մեղադրանքով։ Լսումներու մեկնարկէն մինչեւ վերջին չարչարանքը՝ Պրեսոնի գլուխգործոցը մանրամասնօրէն կը հետեւի պատմութեան ամէնէն յայտնի դատավարութեան իսկական արձանագրութիւններուն։