Հայաստանի ազգային գրադարանի սպասարկման բաժնի վարիչ Տաթեւ Թամազեանը սպասարկման կազմակերպման արդի մեթոտներու եւ խնդիրներու վերաբերեալ դասընթաց մը իրականացուցած է գրադարանէն ներս, որուն մասնակցած են Շիրակի մարզային գրադարանի սպասարկման բաժնի վարիչ Գայիանէ Տիտանեանը եւ գրադարանային հաւաքածոներու կազմակերպման, օգտագործման եւ պահպանման բաժնի վարիչ Մարիամ Յովհաննիսեանը։

Դասընթացի ընթացքին քննարկուած են ելեկտրոնային ծառայութիւններու կազմակերպման հիմնահարցերը, ընթերցողներու ելեկտրոնային սպասարկման գործիքակազմը, ինչպէս նաեւ ելեկտրոնային պաշարներու հասանելիութեան ապահովման մեթոտները։

Տաթեւ Թամազեանը ներկայացուցած է ընթերցողներու ելեկտրոնային սպասարկման առաւելութիւնները, Koha համակարգով արդիւնաւէտ աշխատելու հնարաւորութիւնները։ Դասընթացի ընթացքին մասնակիցները նաեւ գործնականօրէն կիրառած են Koha համակարգով աշխատելու տարբերակները։

Գրադարանի ծրագրաւորող Լիլիթ Վարդանեանը եւ դասընթացի մասնակիցները քննարկած են գիրքի ծածկագիրներու եւ Koha-ի հետ կապուած տարբեր հարցեր։