Նասիմ Նիկոլաս Թալէպը լիբանանեան ծագմամբ ամերիկացի ակնարկագիր, փիլիսոփայ, գիտնական եւ հասարակական գործիչ է, որուն աշխատանքները կը վերաբերին պատահականութեան, հաւանականութեան եւ անորոշութեան խնդիրներու ուսումնասիրութեան:

Թալէպը «Incerto»-ի՝ անորոշութեան մասին հինգ հատորանոց փիլիսոփայական յօդուածին հեղինակն է, որ հրատարակուած է 2001-2018 թուականներուն։ 2009 թուականին ամերիկեան «Ֆորպզ» հանդէսը Թալէպը ճանչցած է որպէս «Կառավարման ոլորտի ամէնէն ազդեցիկ կուրու»։ 2011 թուականին ընդգրկուած է «համաշխարհային դրամական ոլորտէն ներս Պլումպերկի ամէնէն ազդեցիկ 50 մարդոց ցուցակին վրայ»։ «Գիտութեան եւ գործարարութեան օրեր 2023» ամէնամեայ համաժողովի շրջանակէն ներս Թալէպը որպէս պատուաւոր հիւր այցելեց Հայաստան եւ հանդէս եկաւ հրապարակային բանախօսութեամբ։ Ազգային գրադարանը 105-ամեակի տօնակատարութեան օրը «Անտարէս» հրատարակչութենէն հեղինակին մակագրութեամբ նուէր ստացած է Թալէպի հինգ գիրքերը հայերէն թարգմանութեամբ՝ «Պատահականութեան խաբկանքէն մոլորուածները», «Սեւ կարապը», «Երբ խաղադրոյքը սեփական մաշկդ է», «Հակափխրունութիւն» եւ «Պրոկրուստեան մահիճը»։