Յունիս 1-ը Երեխաներու պաշտպանութեան միջազգային օրն է: Այս օրը կը ծառայէ որպէս համաշխարհային յիշեցում երեխաներու իրաւունքներու պաշտպանութեան եւ անոնց բարեկեցութեան խթանման կարեւորութեան մասին: Երեխաներու պաշտպանութեան միջազգային օրը հաստատուած է 1949 թուականին Փարիզի մէջ Կանանց միջազգային ժողովրդավարական դաշնութեան կողմէ եւ առաջին անգամ նշուած է 1950 թուականին։ Յունիս մէկն այն օրն է, երբ պէտք է ընդունինք այն մարտահրաւէրները, որոնց կը բախին երեխաները ամբողջ աշխարհի մէջ եւ քայլեր ձեռնարկենք՝ ապահովելու, որ անոնք ունենան ապահով եւ երջանիկ մանկութիւն:

Երեխաներու պաշտպանութեան օրուան առթիւ՝ Հայաստանի ազգային գրադարանի թամանեանական մեծ դահլիճէն ներս, «Մաէսթրո» մշակութային կազմակերպութեան հետ համատեղ կազմակերպուած էր «Բիւր աստղ» խորագիրը կրող համերգ եւ ցուցահանդէս։ Դահլիճը լեփլեցուն էր, ազատ նստարաններ չկային։ Երեխաներու պաշտպանութեան օրուան առթիւ՝ Հայաստանի ազգային գրադարանի թամանեանական մեծ դահլիճէն ներս, «Մաէսթրո» մշակութային կազմակերպութեան հետ համատեղ կազմակերպուած էր «Բիւր աստղ» խորագիրը կրող համերգ եւ ցուցահանդէս։ Դահլիճը լեփլեցուն էր, ազատ նստարաններ չկային։

 Միջոցառման ընթացքին ելոյթ ունեցան տաղանդաշատ երիտասարդներ, երաժիշտներ։ «Բիւր աստղ» Ծրագրի նպատակն է ծանօթացնել հայկական ազգային եւ համաշխարհային երաժշտական արուեստի գոհարներուն: Համերգին կը մասնակցէին Երեւանի եւ մարզերու երաժշտական դպրոցներու շնորհալի երիտասարդ կատարողներ, որոնց ելոյթները կը հիացնէին հանդիսականները, բուռն եւ երկարատեւ ծափողջոյններու կ’արժանանային: Դաշնամուրը, թաւջութակը, քանոնը, քամանչան, սանթուրը, սաքսափողը, հարուածային եւ այլ երաժշտական գործիքներ միանգամայն այլ հնչեղութիւն կը ստանային տաղանդաւոր երեխաներու վարպետութեան շնորհիւ: Միջոցառման աւարտին մասնակիցները, հիւրերը ծանօթացան Կոտայքի մարզի Մեղրաձոր համայնքի մշակոյթի տան սաներու ձեռային աշխատանքներու ցուցահանդէսին։