Յուլիս 2-ին Հայաստանի ազգային գրադարանէն ներս ցուցադրուեցաւ Սինէ-ակումբի հերթական ֆիլմը։ Մասնակիցները այս անգամ դիտեցին Ալէն Ռենէի «Հիրոսիմա, իմ սէր» ֆիլմը։ Ասիկա հիասքանչ պատմութիւն մըն է ֆրանսացի ֆիլմի դերասանուհիի եւ ճափոնցի ճարտարապետի՝ յետպատերազմեան Հիրոսիմայի մէջ սկիզբ առած սիրոյ մասին։ Ամբողջ ֆիլմը միայն երկու հերոսներու խօսակցութիւն է, որոնք միաժամանակ կը խօսին սիրոյ, մահուան, յիշողութեան եւ մոռացութեան մասին:

«Ֆիլմադարան» ֆիլմի մշակոյթի զարգացման հասարակական կազմակերպութեան հիմնադիր նախագահ, ֆիլմագէտ Գարեգին Զաքոյեանի խօսքերով՝ ֆրանսական Նոր ալիքի բոլոր բեմադրիչները շատ բարձր գնահատած են Ալէն Ռենէի ֆիլմը։ Ֆիլմը սկիզբէն մինչեւ վերջ շատ անկեղծ է եւ դիտողը հերոսներուն հետ կը վերապրի ամէն բան։ Զաքոյեանը նշած է է, որ ասիկա ուսանելի ֆիլմ մըն է, որ կը յուշէ, թէ ի՛նչ է զգացմունքը եւ ուր է այն։ Ֆիլմը 1961-ին արժանացած է Բրիտանական ֆիլմի եւ հեռատեսիլի արուեստի ակադեմիոյ (BAFTA) մրցանակին։

Սինէ-ակումբը Հայաստանի ազգային գրադարանէն ներս կը գործէ արդէն երրորդ տարին ըլլալով՝ «Ֆիլմադարան» ֆիլմի մշակոյթի զարգացման հասարակական կազմակերպութեան, Ազգային գրադարանի, Հայաստանի մէջ Ֆրանսայի դեսպանութեան Ֆրանսական հիմնարկի համագործակցութեամբ՝ ֆիլմասէրներուն ներկայացնելով ֆրանսական ֆիլմերու ընտրանին: Ֆիլմերը կը ցուցադրուին ֆրանսերէն՝ հայերէն եւ անգլերէն ենթագիրներով: Մուտքը ազատ է: Հասցէն` Տէրեան 72: