Հայաստանի ազգային գրադարանէն ներս ցուցադրուեցաւ Սինէ-ակումբի հերթական ֆիլմը` Էրիք Ռոմէրի «Կանաչ ճառագայթը»։ Ֆրանսական «նոր ալիքի» ամէնէն ինքնատիպ բեմադրիչներէն մէկուն` Էրիք Ռոմէրի գլուխգործոցը կը քննէ ինքնութեան եւ ինքնաբացայայտման հարցերը։ «Ֆիլմադարան» ֆիլմի մշակոյթի զարգացման հասարակական կազմակերպութեան նախագահ Գարեգին Զաքոյեանի խօսքով՝ Ռոմէրը շատ ինքնատիպ բեմադրիչ մըն է, ով ունի իր իւրայատուկ ոճը։ Ֆիլմին անուանումը կապուած է հազուադէպ բնական երեւոյթի մը հետ, երբ մայրամուտի վերջին պահուն արեւի ճառագայթները կրնան քանի մը վայրկեանուան մէջ կանաչ երանգ ստանալ։ Ֆիլմի վերջաւորութեան գլխաւոր հերոսը` Տելֆինը, կը փորձէ տեսնել այդ կանաչ ճառագայթը, ինչ որ կը խորհրդանշէ իր կեանքին մէջ որեւէ աւելի խոր ու կարեւոր բան տեսնելու եւ հասկնալու՝ անոր ցանկութիւնը։

Սինէ-ակումբը Հայաստանի ազգային գրադարանէն ներս կը գործէ արդէն երրորդ տարին ըլլալով՝ «Ֆիլմադարան» ֆիլմի մշակոյթի զարգացման հասարակական կազմակերպութեան, Ազգային գրադարանի, Հայաստանի Ֆրանսայի դեսպանութեան Ֆրանսական հիմնարկի համագործակցութեամբ՝ ֆիլմասէրներուն ներկայացնելով ֆրանսական ֆիլմերու ընտրանին։

Ֆիլմերը կը ցուցադրուին ֆրանսերէն` հայերէն եւ անգլերէն ենթագիրներով։ Սինէ-ակումբի հերթական ցուցադրութիւնը սեպտեմբեր 30-ին, ժամը՝ 19:00-ին է: Մուտքը ազատ է։