«EBSCO»-ն հետազօտական տուեալներու շտեմարաններու, ելեկտրոնային ամսագիրներու եւ ելեկտրոնային փաթեթներու բաժանորդագրութեան կառավարման, ինչպէս նաեւ գրադարանային արհեստագիտութեանց, ելեկտրոնային հրատարակութիւններու ձեռք բերման յառաջատար կազմակերպութիւններէն մէկն է աշխարհի մէջ: «EBSCO Publishing»-ը կ’առաջարկէ լիաբովանդակ գիտական ամսագիրներ, որոնք կը հրապարակեն բարձրորակ եւ վստահելի յօդուածներ՝ ճանչցուած հրատարակիչներու ընտրութեամբ՝ ըստ հետազօտողներու կարիքներուն: Այս հարթակները տեղեկատուութիւն կը տրամադրեն անգլերէնով, սակայն կարելի է գտնել նաեւ ֆրանսերէն, գերմաներէն, սպաներէն եւ այլ լեզուներով յօդուածներ եւ գիրքեր:

Սիրելի՛ ընթերցողներ, յիշեցնենք, որ, Հայաստանի ազգային գրադարանէն օգտուողները մէկ տարիով անվճար մուտք ունին դէպի «EBSCO Publishing»-ի տուեալներու հարթակ: 

Շտեմարանէն կարելի է օգտուիլ ինչպէս գրադարանի կայքին միջոցաւ՝ https://nla.am/ebsco, այնպէս ալ գրադարանի համակարգչային սրահէն ներս: Գրադարանի ընթերցողները կրնան «EBSCO Publishing»-ի շտեմարաններէն օգտուիլ նաեւ տունէն՝ իրենց յարմար ժամերուն։ Մուտքանուն եւ գաղտնաբառ ստանալու համար հարցում ուղարկեցէք ելեկտրոնային հասցէին՝ նշելով ձեր անունը եւ ընթերցողական տոմսի համարը ամբողջութեամբ։