Հայաստանի ազգային գրադարանը կը գտնուէր մեր վաղեմի բարեկամ, Ամսթերտամի Մատթէոս Ծարեցւոյ անուան գրադարանի պատասխանատու Աննա Մարիա Մաթթաարը։

Մաթթաարը հոկտեմբեր 3-էն 4 գրադարանէն ներս տեղի ունենալիք «Ժառանգութեան պահպանութիւն՝ յանուն կայուն ապագայի» միջազգային գիտաժողովի մասնակիցներէն է։ Աննա Մարիան մշտապէս կ’օգնէ գրադարանի հաւաքածոները համալրելու։ Հայաստան կու գայ իրեն հետ գիրքեր կը բերէ, իսկ Հոլանտայէն մեզի կ’ուղարկէ ՀԱԳ-էն ներս բացակայող հայերէն հրատարակութիւններու թուային պատճենները, որոնցմով կը համալրուին գրադարանի առցանց շտեմարանները։

Այս անգամ ան գրադարանին նուիրեց Ամսթերտամի հայ երիտասարդներու միութեան «Խորհուրդ» ամսագրի 2017-2023 թուականներու հաւաքածոն։ Հոգեւոր բովանդակութեամբ հաւաքածոն լոյս կը տեսնէ հոլանտերէն։ Ունի ամփոփիչ տարեկան թողարկում։ Աննա Մարիան նաեւ շուրջ 10 հայագիտական գիրքեր նուիրեց գրադարանին։ Ամսթերտամի Մատթէոս Ծարեցւոյ անուան գրադարանը տեղաւորուած է հայկական Սուրբ Հոգի եկեղեցւոյ մէջ, որ կառուցուած է 1714 թուին։ Ծարեցւոյ անուան գրադարանի գրացուցակին մէջ ներկայիս մօտ 1.400 գիրք կայ։ Եւս 300 անուն գիրք տակաւին մատենագրուած չէ։

«Յետնատունը. երիտասարդ աղջկան օրագիրը | Աննա Ֆրանք» հանրայայտ գիրքի թարգմանիչ Աննա Մարիա Մաթթաարը գիտաժողովի ծիրէն ներս ելոյթ պիտի ունենայ՝ «Ընթերցուող կին գրող՝ Աննա Ֆրանքն ու իր օրագիրը» խորագրով։