Հարգելի բարեկամներ, հոկտեմբերի 29-ին՝ 17։00-ին սիրով հրավիրում ենք Հայաստանի ազգային գրադարանում մասնակցելու Չինաստանի Ժողովրդական Հանրապետության հիմնադրման 75-ամյակին նվիրված հանդիսությանը։ Կներկայացվեն գրադարանի չինական հավաքածուի արժեքավոր նմուշներ, Մատենադարանում պահվող հնագույն չինական ձեռագրերի թվայնացված նմուշներ (պատճեներ)։ Միջոցառման մասնակիցներին ողջույնի խոսք կասեն ՀՀ-ում ՉԺՀ գործերի ժամանակավոր հավատարմատար Չեն Մինը, Ազգային գրադարանի տնօրեն Աննա Չուլյանը, «Հայաստան-Չինաստան» բարեկամության միության նախագահ Կարեն Ավագյանը և «Չինական գիտության և մշակույթի կենտրոնի» տնօրեն Իզաբելա Մուրադյանը։

Գեղարվեստական մասում Ալ. Սպենդիարյանի անվան օպերայի և բալետի ազգային թատրոնի մենակատար Քսենիա Անդրեենկո կատարի Այշայի պարը Արամ Խաչատրյանի «Գայանե» բալետից, «Վիկտորիա» պարարվեստի դպրոց-ստուդիայի սաները կպարեն հայկական և չինական պարեր (գեղ․ ղեկավար Ն․ Փաշինյան), երեխաները կերգեն հայերեն և չինարեն երգեր՝ երկողմանի թարգմանությամբ, ընթացքում կցուցադրվեն «Չինական գիտության և մշակույթի կենտրոնի» ուսուցողական տեսահոլովակները: Մուտքն ազատ է: Հասցեն՝ Տերյան 72: