Յունուար 12-ին, Ազգային գրադարանը աշխատանքային այցելութեամբ հիւրընկալեց Հայաստանի Կրթութեան, գիտութեան, մշակոյթի եւ մարմնամարզութեան նախարարուհի Ժաննա Անդրէասեանը, փոխնախարար Արա Խզմալեանը եւ մշակութային ժառանգութեան ու ժողովրդական արհեստներու վարչութեան պետ Աստղիկ Մարաբեանը:   
Պատուիրակութիւնը դիմաւորեց եւ ողջունեց գրադարանի տնօրէնուհի Աննա Չուլեանը եւ առաջարկեց շրջայց մը կատարել գրադարանէն ներս։ Նախարարուհին գտնուեցաւ ընդհանուր, գիտական եւ մամլոյ ընթերցասրահներուն մէջ, ծանօթացաւ գրադարանի մասնաշէնքերուն գրապահոցային պահպանութեան պայմաններուն, ինչպէս նաեւ կատարուող թուայնացման աշխատանքներուն։ Այցելութեան աւարտին, նախարարուհին խորհրդակցութիւն վարեց գրադարանի տնօրէնութեան հետ, որուն ընթացքին քննարկուեցան գրադարանին յառաջիկայ ծրագիրները ու ընելիքները