Յունիս 15-էն 19 Շուետի Լինշոփինկ քաղաքի համալսարանին մէջ տեղի ունեցաւ «ERIK: Equality, Rights and Inclusion Knowledge» վերտառութեամբ միջազգային ամառնային դպրոց, որ համախմբած էր Հայաստանի, Մոլտովայի եւ Ուքրանիոյ պետական կառոյցներու, համալսարաններու եւ հասարակական կազմակերպութիւններու ներկայացուցիչները։ Ծրագրի ընթացքին քննարկուած են հաւասարութեան, ներառականութեան եւ մարդկային իրաւանց պաշտպանութեան առնչուող արդիական խնդիրներ՝ խտրականութեան կանխարգիլումէն մինչեւ բոլորին համար հաւասար հնարաւորութիւններու ապահովում։ Ամառնային դպրոցին Հայաստանի ազգային գրադարանէն մասնակցած է Սպասարկման բաժնի վարիչ Տաթեւիկ Թամազեանը։ Հայաստանի ազգային գրադարանը, ըլլալով հանրային նշանակութեան մշակութային հաստատութիւն, կարեւոր կը համարէ ձեւաւորել եւ պահպանել այնպիսի միջավայր մը, որ հիմնուած է հաւասար հնարաւորութիւններու, փոխադարձ յարգանքի եւ ներառականութեան սկզբունքներուն վրայ՝ ապահովելով ծառայութիւններու հասանելիութիւնը բոլորին համար՝ անկախ սեռէն, ազգութենէն, ծագումէն, կրօնական կամ քաղաքական հայացքներէն, ընկերային կամ այլ առանձնայատկութիւններէն։