Փետրուար 20-ին, Հայաստանի ազգային գրադարանի Թամանեանական ցուցասրահէն ներս տեղի ունեցաւ «Մեր նուիրատուները» խորագիրով միջոցառում մը՝ գիրք նուիրելու օրուան առթիւ։ Ողջոյնի խօսքով հանդէս եկաւ Հայաստանի ազգային գրադարանի տնօրէնուհի Աննա Չուլեանը, ով իր խօսքին մէջ կարեւորեց նուիրատուութիւններուն դերը գրադարաններուն համար եւ շնորհակալութիւն յայտնեց մեր նուիրատուներուն՝ մշտապէս գրադարանի կողքին կանգնելու համար։ Տիկին Չուլեանը հաւաստագիրներ յանձնեց մեր հաւաքածոները տարիներ շարունակ արժէքաւոր հրատարակութիւններով համալրած գրադարանի բարեկամներուն։ 

 

Գիրք նուիրելու օրուան առթիւ՝ Հայաստանի Հանրապետութեան նախագահ Վահագն Խաչատուրեանի աշխատակազմը նոր լոյս տեսած շուրջ 50 անուն հայ եւ օտարագիր հեղինակներու բարձր պահանջարկ ունեցող թարգմանուած գիրքեր նուիրեց Սիւնիքի, Վայոց ձորի, Գեղարքունիքի, Տաւուշի եւ Արարատի մարզերուն՝ սահմանամերձ 13 համայնքային գրադարաններուն հաւաքածոները համալրելու նպատակաւ։ Ազգային գրադարանը նոյնպէս հանդէս եկաւ նուիրատուի դերակատարութեամբ՝ գիրքեր նուիրելով հայրենիքին սահմանները պահպանող զինուորներուն, որոնք կը փոխանցուին մարզային գրադարաններուն միջոցաւ։   
Գրքային ցուցահանդէսին ներկայացուեցան 2022 թուականի Աւօ Յովհաննիսեանի, Արծուի Բախչինեանի, Գէորգ Եազճեանի, Երուանդ Տէր-Մինասեանի ժառանգներուն, Երջանիկ Գէորգեանի, Մարգարիտա Խաչատրեանի, Պարոյր Հայրիկեանի, Ֆելիքս Բախչինեանի, ինչպէս նաեւ Համազգային հայ կրթական եւ մշակութային միութեան եւ «Փեն Հայաստան» կազմակերպութեան կողմէ գրադարանին կատարուած նուիրատուութիւնները։