ՀԱՅԱՍՏԱՆԻ ԱԶԳԱՅԻՆ ԳՐԱԴԱՐԱՆ
-
Արեւմտահայերէն
Հեռախոսահամար
Արեւմտահայերէն
օգս 22, 2024 Նորութիւններ Նուիրատուութիւններ
Հայաստանի ազգային գրադարանի բարեկամներէն մէկը՝ իրանահայ Էտուարտ Յարութիւնեանը, հերթական նուիրատուութիւնը կատարած է գրադարանին։ Շուրջ երկու տասնեակ բացառիկ ամսագիրներ պիտի համալրեն Ազգային գրադարանի մամլոյ հաւաքածոն։ Ամսագիրներէն գրադարանը ունէր միայն եզակի համարներ, իսկ «Վարագ» ամսագիրը առհասարակ կը բացակայէր։
Գրադարանի մամլոյ հաւաքածոն մասնաւորապէս հարստացաւ 1910-1917 թուականներուն Պաքուի մէջ լոյս տեսած «Թատրոն եւ երաժշտութիւն» թատերական-երաժշտական պատկերազարդ երկամսեայ հանդէսին օրինակներով։ Հանդէս մը, որուն աշխատակցած են Կոմիտասը, Գէորգ Չմշկեանը, Գէորգ Պաշինճաղեանը, Ալէն Մանուկեանը, Անուշաւան Տէր Ղեւոնդեանը եւ այլ ականաւոր դէմքեր։
