Հայաստանի ազգային գրադարանը ԱՄՆ-էն նուէր ստացած է Արմենակ Անդրանիկեանի «Դժոխքէն Դրախտ». Հայոց ցեղասպանութեան եւ կամաւորական բանակի յուշեր (Անթիլիաս, 2024) յուշագրութիւնը։

Ականատեսին այս յուշերը եւ վկայութիւնները շատ կարեւոր են որպէս աղբիւր ցեղասպանութենէն առաջ Էրզրումի նահանգի Քղի գաւառի երեք տասնեակ գիւղերու հայ եւ քուրտ բնակչութեան մասին տեղեկութիւններու, ինչպէս նաեւ ցեղասպանութեան մէջ քրտերուն մասնակցութեան առումով։ Յուշագրութիւնը տեղեկութիւններ կու տայ նաեւ Կարին-Էրզրումի ինքնապաշտպանութեան (1917-1918), ինչպէս նաեւ հայ բնակչութեան Կարս եւ Ալեքսանդրապոլ զանգուածային նահանջի, ինչպէս նաեւ զօրավար Անդրանիկի կամաւորական բանակին մասին։

Գիրքը գրադարանին նուիրած է գիրքի հայերէն հրատարակութեան խմբագիր Վազգեն Ղուկասեանը։ Յուշագրութեան անգլերէն թարգմանութիւնը (թարգմանիչ՝ Վաչէ Ղազարեան) լոյս տեսած է 2015 թուականին Քանատայի մէջ։