Այսօր՝ օգոստոս 23-ին, Հայաստանի ազգային գրադարանի աշխատակիցները հիւրընկալուած են Գեղարքունիքի մարզային գրադարանը։ Մարզային գրադարանը եւ քանի մը այլ համայնքային գրադարաններ արժէքաւոր նուէրներ ստացած են Ազգային գրադարանէն։ Մարզային եւ Սեւանի, Վարդենիսի, Մարտունիի եւ Գաւառի տարածաշրջանային գրադարանները Ազգայինէն մօտ 520 միաւոր գրականութիւն նուէր ստացած են։ Նախապէս համաձայնեցուած օրակարգով տեղի ունեցաւ հանդիպում Գեղարքունիքի մարզի համայնքային, մանկական եւ դպրոցական աւելի քան 20 գրադարաններու աշխատակիցներու հետ։ Խորհրդակցութեան ընթացքին քննարկուեցան գրադարանային գործի վերակազմակերպման, թուային միջավայրէ ներս գրադարանային գործի կազմակերպման եւ այլ հարցեր։

ՀԱԳ աշխատակից Անիցա Կենճեանը «Համայնքային գրադարաններու պահուստներու ելեկտրոնային հաշուառում եւ գոյքագրում» խորագրով սեմինար մը իրականացուց՝ աւելի քան 30 գրադարանային աշխատողներու համար։ Շարունակելով նախորդ ամիս սկսած նախաձեռնութիւնը՝ Ազգային գրադարանը 22 միաւոր հայերէն եւ օտար լեզուներով գեղարուեստական եւ մասնագիտական գրականութիւն նուիրեց Սեւան ՔԿՀ-ի գրադարանին։