Յուլիս 18-ին Հայաստանի ազգային գրադարան այցելած էր Հայաստանի մէջ Եւրոպական միութեան պատուիրակութեան ղեկավար, արտակարգ եւ լիազօր դեսպան, պարոն Վասիլիս Մարակոսը։ Դեսպանը դիմաւորեց եւ գրադարանի թամանեանական շէնքէն ներս շրջայցը վարեց գրադարանի տնօրէնուհի Աննա Չուլեանը։

Գրադարանին հետ ծանօթութիւնը սկսաւ Գրատպութեան թանգարանէն, ուր ան ծանօթացաւ հայ գիրքի տպագրութեան պատմութեան։ Դեսպանը գտնուեցաւ նաեւ գրադարանի պատմութեան նորաբաց ցուցասրահին մէջ։ Այցելութեան վերջաւորութեան գրադարանի տնօրէնուհին դեսպանին ներկայացուց Ազգային գրադարանի ընթացիկ եւ հեռանկարային ծրագիրները եւ հնարաւոր համագործակցութեան ուղղութիւնները, ներառեալ գրադարանավարներու վերապատրաստումներու կազմակերպման, գրադարանային եւ տեղեկատուական ոլորտի եւրոպական մասնագէտներու հրաւիրման եւ այլ հարցեր։