Կինոյի մեծ ճամբորդութիւնը սկսած է... Հայաստանի ազգային գրադարան-ին մէջ այսօր կայացած ֆիլմի ցուցադրութեամբ տրուեցաւ «Կինոն կը փոխէ աշխարհը․ Ֆրանսա 1895–2026» ծրագրին մեկնարկը։ Բացման խօսքով հանդէս եկաւ Աննա Չուլյան՝ անդրադառնալով արդէն հինգ տարիէ գործող «Սինէ-ակումբ»-ին արդիւնաւէտ գործունէութեան։ Իր խօսքին մէջ ան ներկայացուց նաեւ հրատարակուած «Ֆրանսական կինօ․ Սինէ-ակումբ» կատալոգը, որ կը փաստագրէ ակումբին աշխատանքը եւ հանդիսատեսին կը տրամադրէ անհրաժեշտ տեղեկութիւն արդէն ցուցադրուած ֆիլմերուն մասին։

Ծրագրին յաջողութեան մասին խօսեցաւ նաեւ ՀՀ-ում Ֆրանսիայի դեսպանատուն-ի եւ Հայաստանում Ֆրանսիական ինստիտուտ-ի ներկայացուցիչ Ֆատմա Կեբե՝ կարեւորելով կինոյին շուրջ ձեւաւորուած մշակութային համագործակցութիւնը։

2026 թուականին «Սինէ-ակումբ»-ը կը ներկայացնէ «Կինոն կը փոխէ աշխարհը․ Ֆրանսա 1895–2026» ծրագիրը, որուն շրջանակին մէջ երկխօսութեան մէջ կը մտնեն ֆրանսական համր կինոյի գլուխգործոցները եւ արդի ֆրանսացի բեմադրիչներու կարեւոր ձեռքբերումները։ Միեւնոյն թեմաները, գեղագիտութիւնն ու քաղաքականութիւնը՝ 20–21-րդ դարերու արուեստագէտներու դիտանկիւնէն, ակներեւ կը դարձնեն, թէ ինչպէս կինոն կը ստեղծէ իրականութիւններ եւ կ՛ազդէ անոնց ընկալման վրայ։ «Սինէ-ակումբ»-ը, որ այս տարի կը նշէ իր հնգամեակը, Institut français d'Arménie-ի / ՀՀ-ում Ֆրանսիայի դեսպանատուն-ի, Filmadaran | Ֆիլմադարան ՀԿ-ի եւ Հայաստանի ազգային գրադարան-ի համատեղ նախագիծ մըն է։