«Գրադարաններու կրթական համագործակցութիւն» միջազգային նախագծի «Նոր սերունդ» ծրագրի շրջանակէն ներս մայիս 16-էն 21 կազմակերպուած են շարք մը մասնագիտական միջոցառումներ, որոնց մասնակցած են Անկախ պետութեանց համագործակցութեան երկրներու գրադարանային ոլորտի հարիւրաւոր մասնագէտներ, ղեկավարներ եւ փորձագէտներ։ Համաժողովի ընթացքին տեղի ունեցած է շուրջ 80 միջոցառում՝ մասնագիտական դասընթացներ, աշխատարաններ, կլոր սեղաններ, ուղղուածային քննարկումներ, շնորհանդէսներ եւ փորձի փոխանակման հանդիպումներ։ Քննարկուած են գրադարանային ոլորտի զարգացման արդի միտումները, թուային վերափոխման գործընթացները, ընթերցողներու ներգրաւման նոր գործիքակազմերը եւ ժամանակակից գրադարաններու գործունէութեան կազմակերպման արդիւնաւէտ փորձը։

Այսօր Հայաստանի ազգային գրադարանի աշխատակիցներ Արմենուհի Վարդանեանը, Քաթիա Անտոնեանը եւ Իտա Մարգարովան գործընկերներուն հետ բաժնեկցեցան համաժողովի ընթացքին ձեռք բերած փորձով եւ գիտելիքներով։ Անոնք ներկայացուցին ծրագրի երկու փուլերուն արդիւնքները՝ նախ անդրադառնալով «Յուցական այրում եւ մասնագիտական տագնապի յաղթահարման ռազմավարութիւններ» խորագրով միշաբաթեայ առցանց վերապատրաստման դասընթացին, ապա՝ Եքաթերինպուրկի մէջ կայացած «Գրադարանային պլոկէրներու դպրոց» մասնագիտական ծրագրին։ Դասընթացի շրջանակէն ներս ուսումնասիրուած են գրադարաններու թուային հաղորդակցութեան, ընկերային ցանցերու արդիւնաւէտ կառավարման, բովանդակութեան ստեղծման եւ հանրային ներգրաւուածութեան բարձրացման ժամանակակից գործիքներն ու մեթոտները։

Հանդիպման ընթացքին տեղի ունեցաւ մասնագիտական փորձի աշխուժ փոխանակում, քննարկուեցան համագործակցութեան նոր հնարաւորութիւններն ու գրադարանային գործունէութեան արդիւնաւէտութեան բարձրացման ուղղուած գործնական լուծումները։