Հայաստանի ազգային գրադարանի Տպագիր արտադրանքի վերականգնման բաժնի վարիչ Լիանա Սայատեանը եւ բաժնի վերականգնող մասնագէտ Անոյշ Ղազարեանը ապրիլ 28-էն մայիս 1 մասնակցած են «Մատենադարան» Մեսրոպ Մաշտոցի անուան հին ձեռագրաց գիտահետազօտական հիմնարկին մէջ մեկնարկած «Յիշողութեան կերպարանքները․ ձեռագիր եւ տպագիր ժառանգութեան պահպանման ու վերականգնման նորագոյն արհեստագիտութիւնները» խորագրով 15-րդ յոբելեանական սեմինարին, որ հիւրընկալած է աշխարհի 16 երկրներէ 36 մասնակիցներ։

Մասնագէտները մասնակցած են վարպետութեան դասերու եւ ունկնդրած են հեղինակաւոր փորձագէտներու զեկոյցներ՝ մշակութային ժառանգութեան պահպանման ու վերականգնման ոլորտէն ներս առկայ խնդիրներու եւ ատոնց արդիւնաւէտ լուծումներուն վերաբերեալ։ «Յիշողութեան կերպարանքներ» միջազգային սեմինարը նպատակ ունի բարձրացնելու թանգարանային, գրադարանային եւ յուշաձեռագրային պահեստապետներու եւ վերականգնողներու մասնագիտական որակաւորումը՝ անոնց հնարաւորութիւն ընձեռելով յետագային, անհրաժեշտութեան պարագային, ինքնուրոյն փոխանցել ձեռք բերած գիտելիքներն ու հմտութիւնները։ #յիշողութեան_կերպարանքներ