Ազգային գրադարանային շաբթուան ծրագրի շրջանակէն ներս, ապրիլ 15-ին, ՀԱԳ-ի աշխատակիցներ Մայա Հայրապետեանն ու Տաթեւիկ Թամազեանը այցելեցին Արմավիրի մարզային գրադարան։ Համագործակցութեան եւ գրքափոխանակութեան բաժնի հաւաքածոյէն՝ Արմավիրի մարզային գրադարանը եւ 6 համայնքային գրադարաններ համալրուեցան 350 միաւոր գրականութեամբ, որ նախատեսուած էր 2025 թուականի հատուցման ծրագրով։ Արմավիրի մարզային գրադարանին մէջ փորձարկուեցաւ ելեկտրոնային սպասարկման համակարգը։ Տեղւոյն վրայ կատարուեցաւ «armavir.nla.am» կայքի գործարկումը, աշխատակիցներուն ներկայացուեցաւ «Koha» գրադարանային գործընթացներու կառավարման համակարգին հետ աշխատանքի ընթացքը։ Ստեղծուեցան ընթերցողական շտեմարանի կարգերը՝ համաձայնեցնելով մանկական բաժնի կանոնադրութեան հետ։ Ընթերցողներու շտեմարանի ստեղծման համար գրադարանի աշխատակիցներուն բացուեցան հաշիւներ «Koha» համակարգին մէջ։ Ստեղծուեցան սպասարկման հիմնական ցուցանիշները արտացոլող հաշուետուութիւններ։ Ներկայացուեցան ընթերցողներու գրանցման կարգը, հաշուետուութիւններու հետ աշխատելու ձեւերը, գրականութեան սպասարկման աշխատանքները։ Վերոյիշեալ գործողութիւնները կիրառուեցան գործնականօրէն՝ դասընթացի ատեն գրադարան այցելած ընթերցողներու սպասարկումը իրականացնելու ընթացքին։