Թանգարանների միջազգային օր 2026 ծրագրի շրջանակում Հայաստանի ազգային գրադարանի Գրատպության թանգարանը ներկայացնում է «ԵՐԱԺՇՏՈՒԹՅՈՒՆԸ ՄԻԱՎՈՐՈՒՄ Է ՄԱՐԴԿԱՆՑ ԱՅՆՊԵՍ, ԻՆՉՊԵՍ ԳԻՐՔԸ» խորագրով միջոցառում։ (Կոմիտաս և հայ երգահանների ստեղծագործություններ) Միջոցառմանը մասնակցելու են ԿԱՊԿՈւ (կրթության առանձնահատուկ պայմանների կարիք ունեցող) երեխաներ և երիտասարդներ, ովքեր իրենց երաժշտական կատարումներով կհաստատեն, որ երաժշտությունն ու գիրքը կարող են միավորել մարդկանց՝ դառնալով ներառման, հաղորդակցության և մշակութային կապի կարևոր կամուրջներ։

Կհնչեն Կոմիտասի, Ռուբեն Հախվերդյանի և հայ այլ հեղինակների ստեղծագործություններ, փոքրիկ երաժշտական էտյուդներ, որոնք կլցնեն թանգարանական միջավայրը ջերմությամբ ու ստեղծագործական շնչով։ Հատուկ խորհրդանշական պահ կդառնա նաև հայկական թռչնատառ «Ա»-ի պարային ներկայացումը։ Այս գեղեցիկ նախաձեռնությունը ևս մեկ անգամ կհաստատի, որ մշակույթը՝ լինի գիրք, թե երաժշտություն, միավորում է մարդկանց։

Մայիսի 18

Ժամը՝ 11։00

Հայաստանի ազգային գրադարան

Գրատպության թանգարան Տերյան 72 Մուտքը՝ ազատ Լրացուցիչ հարցերի դեպքում՝ 091 623513