Call us
Nov 25, 2024 Events
Նոյեմբերի 21-ի երեկոյան գրադարանն իր հարկի տակ էր հավաքել հայ գրքի և երաժշտության նվիրյալներին, Ազգային գրադարանի բարեկամներին և աջակիցներին։ Ազգային գրադարանի տնօրենը գրադարանի հիմնադրման 105-ամյակին նվիրված անվանական կրծքանշաններով պարգևատրեց կոմպոզիտորներ Տիգրան Մանսուրյանին, Արզաս Ոսկանյանին և Երվանդ Երկանյանին՝ հայ պոեզիան երաժշտության «լեզվով» հանրայնացնելու համար, ինչպես նաև մի խումբ մտավորականների հանրային դասախոսություններ կարդալու և գրադարանի ծրագրերին աջակցելու համար։
Պարգևատրվածների մեջ էին աշխարհագրագետ, քարտեզագետ Ռուբեն Գալչյանը, բանաստեղծ, գրականագետ Հենրիկ Էդոյանը, գրականագետ, թարգմանիչ Աշոտ Ալեքսանյանը և ուրիշներ։
Գրադարանի հյուրերը «Արար» երգչախմբի (գեղարվեստական ղեկավար՝ Գոռ Մելքումյան) կատարմամբ ունկնդրեցին Կոմիտասի, Տիգրան Մանսուրյանի, Արզաս Ոսկանյանի և Երվանդ Երկանյանի ստեղծագործությունները և Ազգային գրադարանի պատմության նորաբաց ցուցասրահում ծանոթացան 1919 թվականին գրադարանի հիմնադիր փաստաթղթերին և արխիվային այլ նյութերի։
English
