Արդէն չորրորդ տարին է, որ Ֆրանսայի դեսպանութիւնը, Հայաստանի ֆրանսական հիմնարկը եւ «Filmadaran Film Culture Development NGO» հասարակական կազմակերպութիւնը համատեղ կ'իրականացնեն ֆրանսական ֆիլմարուեստին նուիրուած Սինէ-ակումբ Ազգային գրադարանէն ներս։ Այս տարուան յատուկ ծրագիրը նուիրուած է Ռոպէր Պրեսոնի ֆիլմերուն։ Շարքին հերթական ֆիլմը Պրեսոնի «Պատահաբար Պալթազար»ն է։ 1960-ականներու Պիրենէներուն մէջ աւանակ մը մարդոց արատներն ու դաժանութիւնը դիտարկող պատմութեան առանցքը կը դառնայ։ Սկիզբը զինք սիրով կը խնամեն երկու երեխաներ, սակայն յետոյ Պալթազար կը յայտնուի տարբեր մարդոց ձեռքերուն մէջ՝ բախուելով անտարբերութեան եւ բռնութեան։ Միեւնոյն ատեն, իր առաջին տիրուհիին՝ Մարիի ճակատագիրը կ'երթայ նոյնքան ցաւալի ճանապարհով։