Հայաստանի ազգային գրադարանը միջազգային գրքափոխանակութեան ծրագրով օրերս համալրուած է երեք արժէքաւոր գիտամշակութային հրատարակութիւններով։ Այս հրատարակութիւնները ստացած ենք Կեթիի արուեստի պատմութեան եւ մարդասիրական գիտութիւններու հետազօտական հիմնարկէն (The Getty Research Institute, Լոս Անճելոս, ԱՄՆ)՝ իբրեւ շնորհակալութեան նշան:

Ամէն ինչ սկսաւ, երբ Կեթիի հիմնարկը նամակով մը խնդրեց իրենց ուղարկել Մեսրոպ Մաշտոցի անուան Մատենադարանի հրատարակած՝ Արսէն Յարութիւնեանի «Tatev: the spiritual citadel of Syunik» գիրքը (2024), որ նուիրուած է Տաթեւի վանքի ձեռագրական ժառանգութեան, վանքի կառուցման փուլերուն ու հոգեւոր մշակոյթին։ Արձագանգը չուշացաւ։ Իբրեւ պատասխան՝ Գրադարանը ստացաւ երեք բացառիկ գրքեր. - The Bible in the Armenian tradition, հեղինակ՝ Վրէժ Ներսէսեան: Հրատարակուած է բրիտանական եւ ամերիկեան գործընկերներու կողմէ։ Այս հարուստ պատկերագիրքը կը բացայայտէ Աստուածաշունչի դերը հայկական ձեռագրային աւանդոյթին մէջ, լուսանցազարդ պատկերագրութեան իւրայատկութիւնները եւ անոր նշանակութիւնը հայ ինքնութեան պահպանման գործին մէջ։ - The Getty Center Design Process, համահեղինակներ՝ Harold M. Williams, Bill Lacy, Stephen D. Rountree, Richard Meier:

Այս գիրքը կը ներկայացնէ Կեթի կեդրոնի ճարտարապետական նախագծման գործընթացը՝ սկսած գաղափարէն մինչեւ իրականութիւն։ - The Getty Villa, հեղինակներ՝ Marion True, Jorge Silvetti: Նուիրուած է Կեթի Վիլլայի ճարտարապետութեան, պատմութեան եւ անոր՝ հնագիտական ժառանգութիւնը վերարժեւորելու առաքելութեան։ Շնորհակալ ենք Կեթիի հիմնարկին՝ մշակութային արժէքներու այս կարեւոր փոխանակման համար։ Գիրքերը պիտի ըլլան հասանելի ընթերցողներու եւ հետազօտողներու համար։