«Mendeley»-ը յղումներու կառավարման համակարգ է, որ թոյլ կու տայ հետազօտողներուն, գիտնականներուն եւ գրողներուն ստեղծել, կազմակերպել եւ վերօգտագործել մատենագիտական նկարագրութիւնները եւ ճիշդ մէջբերումներ ընել «Microsoft Word» ծրագրով աշխատելու ատեն։ Գիտնականները «Mendeley»-ը կը կիրառեն գիտական յօդուածներ հրապարակելու եւ զանոնք կարգաւորելու, ինչպէս նաեւ յղումներ, ծանօթագրութիւններ ստեղծելու եւ յօդուածներ մէջբերելու համար։

Մատենագիտական տեղեկատուութեան կառավարման անվճար ծրագրին միջոցաւ օգտուողները հնարաւորութիւն ունին պահպանելու եւ դիտելու հրապարակումները «PDF» ձեւաչափով: Երբ գրանցուիք «Mendeley»-ի վրայ, դուք հնարաւորութիւն կը ստանաք փաստաթուղթեր, կայքեր եւ այլ նիւթեր ներբեռնելու տարբեր որոնման համակարգերէ եւ ակադեմական տուեալներու շտեմարաններէն անմիջապէս ձեր տեղեկատու գրադարան: Ձեր տեղեկատու գրադարանը համալրելու ատեն «Mendeley Web Importer»-ը ինքնըստինքեան առբերում է ճշգրիտ մեթատուեալներ աւելի քան 90 միլիոն մատենագիտական գրառումներէ, այնպէս որ դուք ստիպուած չէք ըլլար ժամանակ ծախսելու զանոնք ձեռքով մուտքագրելու համար: Ծրագրին մասին իմացիր աւելին «Mendeley»-ի պաշտօնական կայքէն։