#տեղեկատուապէս գրագէտ_գրադարանավար Հայաստանի ազգային գրադարանը կը շարունակէ իրականացնել գրադարանավարներու տեղեկատուական գրագիտութեան կարողութիւններու զարգացման ուղղուած հետեւողական աշխատանք։ Դեկտեմբեր 3-էն 5 ՀԱԳ-էն ներս տեղի ունեցաւ «Տեղեկատուապէս գրագէտ գրադարանավար» խորագրով եռօրեայ վերապատրաստման դասընթաց մը, որուն մասնակցեցան 11 գրադարանավար։ Դասընթացը վարեց ՀԱԳ Հանրային կապերու բաժնի վարիչ Արմինէ Վարդանեանը։ Այս նախաձեռնութիւնը կը ձեւաւորէ մասնագիտական միջավայր մը, ուր տեղեկատուութեան հետ աշխատող մասնագէտները ոչ միայն կը տիրապետեն դասական գրադարանային գործառոյթներուն, այլեւ կը կարենան արդիւնաւէտ կողմնորոշուիլ այսօր գործող բարդ տեղեկատուական դաշտէն ներս։

Անդրադարձ կատարուեցաւ տեղեկատութեան դերին, ապատեղեկատուութեան տարածման գործիքակազներուն եւ տեղեկատուական գրագիտութեան կարեւորութեան։ Քննարկումները կեդրոնացած էին աղբիւրներու ստուգման, փաստերու վերլուծութեան, անձնական տուեալներու պաշտպանութեան եւ անվտանգ համացանցային վարքի վրայ։ Մասնակիցները ուսումնասիրեցին դաւադրութիւններու տեսութիւններու ազդեցութիւնը հանրային կարծիքի ձեւաւորման վրայ, ինչպէս նաեւ դիտեցին նիւթին առնչուող ֆիլմ մը, որ հնարաւորութիւն տուաւ վերլուծել տեղեկատութեան ազդեցութեան գործիքները։

Այս նախաձեռնութիւնը կարեւոր քայլ մըն է դէպի ժամանակակից գրադարանավարի դերին վերագնահատումը․ անիկա կ’ընդգծէ, որ գրադարանները ոչ միայն տեղեկատուութեան պահպանման եւ մատուցման հաստատութիւններ են, այլեւ տեղեկատուական գրագիտութեան տարածման ու հանրութեան կրթական կարողութիւններու ամրապնդման հարթակներ։ Դասընթացի աւարտին գրադարանավարներուն յանձնուեցան վերապատրաստման դասընթացի մասնակցութեան հաւաստագիրներ։