ՀՀ Կրթութեան, գիտութեան, մշակոյթի եւ մարմնամարզութեան նախարարութեան աջակցութեամբ եւ Հայաստանի ազգային գրադարանի համակարգմամբ «Հայ գրականութիւնը թարգմանութիւններու մէջ» ծրագրի ծիրէն ներս Լաթուիոյ մէջ լոյս տեսած է Սերկէյ Փարաճանովի նամակներու եւ բեմագրութիւններու «Ազատութիւն» ժողովածոն: Գիրքը թարգմանած է Իլզէ Փայեկլէ-Մկրտչեանը, լոյս ընծայած է «Փեթերկայլիս» հրատարակչութիւնը:

«Անուրանալի է Փարաճանովի ազդեցութիւնը լաթուիական ֆիլմի ոճին եւ բանաստեղծական ֆիլմի աւանդոյթի ձեւաւորման վրայ: Թերեւս այսօր ալ Փարաճանովի չնկարահանուած ֆիլմերուն ուրուականները կը շրջին Եուրմալայի մէջ՝ իբրեւ անցեալ դարաշրջանի անկատար երազներ», - նշուած է գիրքին յառաջաբանին մէջ: