Հայաստանի ազգային գրադարանի Մասնակցած է Անկախ պետութեանց համագործակցութեան անդամ երկրներու Մանկապատանեկան գիրքի երրորդ միջազգային համաժողովին: ԱՊՀ անդամ երկրներու Մանկական եւ երիտասարդական գիրքի երրորդ միջազգային համաժողովը միաւորած էր ԱՊՀ երկրներու գրադարանային, հրատարակչական եւ կրթական ոլորտներու մասնագէտները։ Համաժողովը կեդրոնացած էր մէկ առանցքային գաղափարի վրայ՝ բանահիւսութիւնը որպէս ռազմավարական հիմք երեխաներու դաստիարակութեան, ընթերցանութեան խթանման եւ մշակութային ինքնութեան ձեւաւորման գործին մէջ։

Հայաստանի ազգային գրադարանէն համաժողովին մասնակցած եւ «Հայ բանահիւսութիւնը կրթական ծրագիրներու մէջ. ժառանգութեան պահպանման եւ փոխանցման նոր ձեւեր» խորագրով զեկոյցով հանդէս եկած է ՀԱԳ Արտաքին կապերու բաժնի վարիչ Աստղիկ Խաչատրեանը։ Զեկոյցին մէջ ներկայացուած է հայկական ժողովրդական ժառանգութեան պահպանման ու կրթական միջավայրին մէջ կիրառման ուղղուած լաւագոյն փորձը։

Համաժողովի ընթացքին տարբեր երկրներու գրադարանները, հրատարակչութիւնները, թատերական ու մշակութային հաստատութիւնները ներկայացուցին ֆոլքլորի ժամանակակից կիրառման արդիւնաւէտ մեթոտներ՝ բարձրաձայն ընթերցումէն եւ պատկերազարդումէն մինչեւ նոր արհեստագիտութեանց ու մետիայի ներգրաւում։