Հայաստանի Ազգային Գրադարանի տնօրէն Աննա Չուլյանը, Յունիս 15-17-ին, Միացեալ Թագաւորութեան Շոտլանտայի մայրաքաղաք Էտինպուրկի մէջ, մասնակցեցաւ Եւրոպայի Ազգային Գրադարաններու Համաժողովի (CENL) տնօրէններու տարեկան ընդհանուր ժողովին։

Գործադիր կոմիտէն ընդունած էր «Արհեստական Բանականութիւն եւ Մշակութային Ժառանգութիւն․ ԱԲ-ի փոխակերպող ուժը ազգային գրադարաններու միջոցով եւ գրադարաններու համար» թեման իբրեւ 2025 թուականի համաժողովի հիմնական ուղղութիւն։ Համաժողովի ծիրին մէջ Աննա Չուլյանը ներկայացաւ «Հայաստանի Ազգային Գրադարանի համագործակցութիւնը մասնաւոր կազմակերպութիւններու հետ․ ԱԲ տեխնոլոգիաներու կիրառման փորձառութիւն» խորագրով ելոյթով՝ ներկայացնելով Հայաստանի Ազգային Գրադարանի փորձը Հայաստանի «Փորթմայնտ Էյ Էմ» կազմակերպութեան հետ՝ հայատառ գրութիւններու նիշերու օպտիկական ճանաչում (OCR) ապահովելու գծով, եւ ֆրանսական «Կալֆա» ընկերութեան հետ՝ թուայնացուած նիւթերու նշաճանաչման ու որակի բարելաւման փորձառութիւնը։

Հանդիպումներուն ընթացքին բարձրացուած են շարք մը կարեւոր հարցեր, քննարկուած, ներկայացուած են ուսումնասիրութիւններ եւ տեսակետներ՝ ազգային գրադարաններուն մէջ արհեստական բանականութեան կիրառման շուրջ։ Ներկայացուած են նոր նախաձեռնութիւններ, որոնք հնարաւորութիւն պիտի տան միաւորելու ազգային գրադարանները եւ ստեղծելու գրադարանային ոլորտին մէջ կիրառելի արհեստական բանականութեան մոդուլներ։ Քննարկուած են համագործակցութեան հնարաւոր եզրեր եւ ձեռք բերուած են շարք մը պայմանաւորուածութիւններ։

Հայաստանի Ազգային Գրադարանը մոտ երկու տասնամեակէ ի վեր հանդիսանում է «Եւրոպայի Ազգային Գրադարաններու Համաժողով»-ի (CENL) անդամ։