2025 թուականին կը լրանայ բանաստեղծ, արձակագիր, թարգմանիչ, հրապարակախօս, մշակութային գործիչ Աւետիք Իսահակեանի ծննդեան 150-ամեայ յոբելեանը։ Անուանի մտաւորականին ծննդեան յոբելենական միջոցառումները կազմակերպելու նպատակաւ կը նախատեսուի ստեղծել պետական յոբելենական յանձնախումբ։

Յոբելենական միջոցառումները պատշաճ կազմակերպելու համար Հայաստանի Կրթութեան, գիտութեան, մշակոյթի եւ մարմնամարզութեան նախարարութիւնը կը հաւաքէ առաջարկներ։ Առաջարկները անհրաժեշտ է ներկայացնել ԿԳՄՄ նախարարուհի Ժաննա Անդրէասեանին ուղղուած գրութեամբ մը՝ մինչեւ 2025 թուականի Յունուար 30։ Ստացուած առաջարկները պիտի քննարկէ Աւետիք Իսահակեանի ծննդեան 150-ամեակի յոբելենական միջոցառումները համակարգող պետական յանձնախումբը։